7-topshiriq savollarga javob Ergasheva Dilnoza

7-TOPSHIRIQ
Savollarga javob Ergasheva Dilnoza
1. Boshqarish usullarining mazmuni nimadan iborat?
Boshqaruv usullari ishchi jamoalari oldiga qo‘yilgan vazifalarni o‘z vaqtida yuqori sifatli qilib bajarilishini ta’minlash uchun ularga nisbatan ko‘riladigan zarur chora - tadbirlarni va ta’sirchan usullarni qo‘llanilishini bildiradi.
Ishlab chiqarishni boshqarishda qo‘llaniladigan barcha usullar o‘zaro uzviy bog’liq bo‘lib, ular bir - birini to‘ldiradi. Ular o‘zining tavsifiga ko‘ra: iqtisodiy, ma’muriy va ijtimoiy - ruhiy usullardan iboratdir.

2. Ijtimoiy- ruhiy usulning asosiy mazmuni nimadan iborat?
Ruhiy muhitni barqarorlashtirishda ijtimoiy - ruhiy usul alohida ahamiyatga egadir. Bu usulda ishlovchilarga ruhiy tomondan, ijtimoiy bilimlar asosida ta’sir ko‘rsatiladi. Ijtimoiy psixologiyaga oid ilmlarni bilmagan rahbar odamlarni boshqara olmaydi. Mehnat jamoalaridagi ruhiy holatni yaxshilashda ijtimoiy muvofiqlashtirish usullaridan foydalaniladi. Bularga erkin muomala, turli masalalar yuzasidan erkin fikrlash, jamoa maqsadi va vazifalarini tushunib etish, rahbarning ishlovchilarga e’tibori, ular haqida doimiy g’amxo‘rligi kiradi.

3. Ishlab chiqarish sharoitida axborotlarning qanday turlari mavjud?
Ishlab chiqarish sharoitida rahbar axborotning quyidagi uch turiga ega bo‘lishi lozim:

• 
  texnikaviy axborot;
  
• 
  iqtisodiy axborot;
  
• 
  ijtimoiy axborot.
  

Hozirgi vaqtda korxonalarda axborotning dastlabki ikki turini to‘plash va umumlashtirish ishlari muntazam sur’atda olib borilmoqda.

4. Kollektiv deganda nimani tushunasiz va uning hamjihatliligi, inoqligini qanday
ta’minlash mumkin?
Kollektiv deganda Jamoani tushunaman. Jamoa - bu bir maqsad, yagona harakat bilan birlashgan insonlarning uyushgan hamda boshqarish intizomi va ma’suliyat organlari bilan ta’minlangan erkin guruhdir.
Boshqarish jarayonida rahbar oldida turgan eng muhim vazifalardan biri ishlab chiqarish jamoani vujudga keltirish va uning tarkibini takomillashtirishdan iborat. Bundan har bir korxonada mustaqil jamoa mavjudligini, bu kollektivni iqtisodiy jihatdan alohidaligini ishlab chiqish zaruratini belgilab berishni hisobga olish zarur.
Har bir ishchi o‘zini aniq ishining, umuman korxona oldida turgan maqsadlar va vazifalar bilan bog’liq ekanligini anglaydi, lekin u avvalo o‘zini bevosita qurshab turgan kichik jamoaga moyil bo‘ladi. Bu boshlang’ich jamoa - umumiy jamoaning son jihatidan kichik bo‘lgan tarkibiy qismdir. Uning a’zolari, bir - birlari bilan doimo amaliy, maishiy va ideologik jihatdan birlashgan bo‘ladilar. Korxona va tashkilotlarda boshlang’ich jamoani sex, bo‘limlar tashkil etadi. Birlamchi jamoalar bir - birlarini bevosita ishlab chiqarish jarayonida shaxsan biluvchi xodimlarning unchalik katta bo‘lmagan guruhlariga bo‘linishi mumkin.
5. Temperament nima va kishilar temperamenti bo‘yicha qanday farqlanadi?
Odamlarning inson nasliga mansubligi individ tushunchasi bilan ifodalanadi. Individ sifatida dunyoga kelgan odam keyinchalik shaxs sifatida shakllanadi. Inson shaxsining eng muhim tomonlaridan biri uning individualligidir. Individuallik deganda shaxs psixologik xususiyatlarining betakror birikmasi tushuniladi. Uning tarkibiga temperament, emotsiya, qobiliyatlar, fe’l - atvor, iroda, xotira va boshqalar kiradi.
Kishilar temperamenti bo‘yicha quyidagicha farqlanadi:

• 
  sangviniklar;
  
• 
  xoleriklar;
  
• 
  flegmatiklar;
  
• 
  melanxoliklar.
  

6. Sangviniklar qanday hislatlarga ega?
Sangviniklar tuyg’u (jo‘shqin) xususiyatlari bilan ajralib turadi. Ular yangi kishilar bilan tez til topishadigan, bir turdagi bajariladigan ishlarni yoqtirmaydigan, yangi sharoitga osonlik bilan o‘rganadigan, xushchaqchaq, fe’l - atvori shiddatli, nutqi tez, kelajakka ishonch bilan qaraydigan so‘zni aniq va ma’noli qilib, imo - ishoralar bilan gaplashadigan kishilardir. Ular ish jarayonida kechgan ko‘ngilsiz hodisalarni tez esdan chiqarib yuboradilar, hamda o‘z kuchi va qobiliyatlariga ortiqcha baho berish xususiyatiga egadirlar. Rahbarlar ularning ishini salbiy baholashdan ko‘ra ularga nisbatan qattiqqo‘l va talabchan bo‘lsalar, ijobiy natijaga erishish mumkin. Sangviniklar yuqori lavozimga intiladigan kishilar bo‘ladilar.