7 Tish kasalliklarida. Xasanova G

Qoraqat- Ribes nigrum L. (ruscha - smorodina chernaya, qozoqcha 
- taskaragat, karagat). 
Qoraqat - qoraqatdoshlar oilasiga kiruvchi o`simlik bo`lib, bo`yi 1 - 
1,5 m keladi. Barglari oddiy 3-4 bo`lakli poyada bandi bilan ketma-ket 
o`rnashgan. Gullari shingil, mayda, ikki uyli. Mevasi turiga karab, qora, 
qizil tillorang bo`lishi mumkin. Mevalar xushbo`y, yumaloq, ko`purug`li 
meva. 

---

52 
Qoraqatning 150 turi qayd etilgan. O`zbekistonda qoraqatning 5 turi 
ma`lum bo`lib, shundan 2 turi tabiiy holda uchraydi. 
Qoraqat tabiiy holda namli joylarda, oqar suv bo`ylarida, 
o`tloqlarda uchrashi mumkin. O`simlik may-iyun oyida gullab, mevalari 
iyun-avgustda yetiladi, ularning vazni 4 g gacha borishi mumkin. 
Qoraqatning mevalari, barglari hamda g`unchalari dorivorligi bilan 
ma`lum. Qoraqat mevalari tarkibida 4,5-12,8% qand moddalari, 2-4,5% 
organik kislotalar (olma, limon, qahrabo va boshqa), mineral tuzlar, 
jumladan kaliy (365 mg), temir (0,9 mg), vitaminlardan S (80-400 mg), R, 
V2, V6) E, K, flavonoidlar bor, marganets, rux, molibden, kobalt, mis, 
yod kabi elementlar jo bo`lgan. 
Qoraqatning barglarida salmoqli miqdorda vitamin S va efir moylari 
mavjud. 
Zamonaviy tibbiyotda qoraqat o`simligining dorivor preparatlari 
(damlama, qaynatma) lavsha (singa) kasalligida va boshqa avitaminoz 
bilan bog`liq xastaliklarda, og`ir dardni boshidan kechirgan kishilarga 
darmonbaxsh omil sifatida tavsiya etiladi. 
Qoraqat mevalari va barglari anemiya, skorbut kabi kasalliklarda 
foydalaniladi. Qoraqat mevalari asosida tayyorlanadigan yig`ma-choylar 
ham mavjud. 
Qoraqat barglari asosida kuyidagicha damlama tayyorlanadi: 3-4 
osh qoshiq qoraqat barglarini 1 stakan qaynoq suv bilan 1-2 soat 
mobaynida damlab qo`yiladi, suzib olingach, sharbatidan kuniga 2-3 
marta yarim stakandan ichiladi. 
Rp: Frustum Ribis nigri 200,0 
D. S. 2 osh qoshiq meva 1 stakan qaynoq suv bilan 1-2 soat 
damlangach suzilib, 1/3 stakandan kuniga 3 - 4 mahal ichiladi. 
Rp: Dec fruct Ribis nigri ex 50,0 - 200,0 
D. S. 1/3 stakandan kuniga 3 - 4 marta ichiladi. 

---

53