7-mavzu: missionerlik va prozelitizm: tarix va bugun, targ’bot usullari reja

Missionerlar o‘z faoliyatlarini amalga oshirishda qanday moliyaviy manbalarga tayanadilar?
Dunyoning turli hududlarida faoliyat olib borish, ijtimoiy loyihalarni amalga oshirish, millionlab adadda gazeta, jurnal va Uslubiy qo‘llanmalar nashr etish, radio va teledasturlarni yo‘lga qo‘yish o‘z-o‘zidan bo‘lmaydi, albatta. Xususan, “Ettinchi kun adventistlari”ning har bir a’zosi, o‘z oylik daromadining o‘ndan birini cherkov hisobiga o‘tkazishi shart hisoblanadi. Ularning aqidalariga ko‘ra, Isoning tezroq qaytishi, barcha insonlar adventistlar targ‘ibotini qancha tez eshitishlariga bog‘liq.
Boshqa protestant jamoalari ham o‘z a’zolari daromadlarining ma’lum qismini cherkov hisobiga o‘tkazishni talab qilishadi. Ba’zi cherkovlarda bu narsa majburiy bo‘lmasa-da, xayr-ehson qilish keng targ‘ib qilinadi. Tadrijiy va agressiv targ‘ibot olib borilishi natijasida kishilar “o‘z xohishlari bilan” bor-budlarini cherkovga topshirishadi.
Mamlakatimizdagi bir qator cherkovlarda ham xayr-ehson yig‘ish yaxshi yo‘lga qo‘yilgan. CHerkovlarga keladiganlar orasida o‘ziga to‘q odamlar juda kamchilikni tashkil qilsa-da, har bir ishtirokchi kamida 3000-4000 so‘mdan xayriya qilishi tabiiy hol xisoblanadi.
Bugungi kunda missionerlik bilan shug‘ullanayotgan diniy tashkilotlar moliyaviy ahvollarini yaxshilash va o‘z harakatlarini moddiy ta’minlash maqsadida cherkovning ishonchli va sadoqatli vakillari orqali turli sexlar, firmalar va bosmaxonalarga egalik qilishni ham yo‘lga qo‘yishga alohida e’tibor bermoqdalar.
Baquvvat xorijlik homiylari bo‘lgan va ishonchli vakillari orqali yuqoridagi kabi korxonalarga egalik qiladigan missionerlar o‘z tarafdorlariga har bir yangi olib kelingan odam uchun sezilarli miqdordagi pul mukofotlarini berish imkoniyatiga ega bo‘lmoqda. Bunda tashqari ushbu korxonalar ishsizlarni ish bilan ta’minlash va shu yo‘l bilan missionerlik amaliyotini davom ettirishning muhim bo‘g‘ini bo‘lib xizmat qilmoqda.
CHerkovlarning moliyaviy imkoniyatlari haqida gap ketar ekan, yana bir haqiqatni qayd etish lozim. Oddiy dindorlar, jumladan, yangi prozelitlar ham kamtarona, tashkilot rahbarlari esa hashamatli ofislarda o‘tirib shohona hayot kechirishadi.
Buning isboti sifatida quyidagi misolni keltirish mumkin. 2007 yili Rossiyada «Serkov Bogomateri» nomli sekta ustidan bo‘lib o‘tgan sud jarayonlarida ushbu sekta rahbarlari o‘z izdoshlaridan uylarini xudo yo‘lida o‘z rahnamolariga hadya qilishga da’vat qilishgani va shu yo‘sinda bir necha fuqaro o‘z uyini soxta rahbarlarga hadya qilib yuborgani e’lon qilindi.
YUqoridagi mulohazalar zamonaviy missionerlik siyosiy maqsadlarga erishish, u yoki bu mintaqaga ta’sir o‘tkazishning o‘ziga xos vositasi va nihoyat, serdaromad sohaga aylanib qolgani haqida xulosa chiqarish imkonini beradi.