7-mavzu. Milliy-madaniy konsept va til semantikasi 1-topshiriq. Ushbu savollarga javob bering

Muhabbat ...Uning rangi, tusi, ta’mi qanday? Bilmayman. Kim biladi? (E.A’zamov. “Otoyining tug‘ilgan yili” qissasi)

Haqiqat havoga o‘xshaydi. Rangini ko‘rmaysiz. Ovozini eshitmaysiz. Hidini bilmaysiz... Ammo bir lahza havosiz qolsangiz, bo‘g‘ilib ketasiz. Kitob ham shunday. Yolg‘onga duch kelgan kitobxon bo‘g‘ilib ketadi (O‘.Hoshimov. “Daftar hoshiyasidagi bitiklar”).

-Do‘stlik shunday bir daraxtdirki, urug‘i vafo, shohlari umid, yaproqlari saodatdir.

- Do‘stlik bir shahardirki, kaliti vafo, aholisi esa vafodorlardir.

- Do‘stlik usiz inson yashay olmaydigan kuch-quvvat manbaidir.

- Do‘stlik ikki shaxsning go‘yoki bir shaxs sifatida birlashib ketishi va yagona fikrni o‘zida tashimog‘idir.

- Do‘stlik u orqali kishi o‘z dardini chiqarib yuborib, yengil nafas oladigan bir tuynukdir.

- Do‘stlik o‘zga uchun o‘z manfaatlarini qurbon qilish, fidokor bo‘lish hamda xudbinlik illatidan ozod bo‘lishdir.

Kishiga bilimiga qarab yaxshilik qil, yomonga qilgan yaxshiliging boshingga balo bo'lib tushadi.

(A.Navoiy, "Mahbub ul-qulub")

Zarur vaqtida berilgan eski chopon va bo‘z to‘n - saxovat; bemahal hadya qilingan zarbof chopon - yaramaslikdir.

( A.Navoiy “Mahbub ul-qulub”)

Vaqt yetsa shu xalqda qolar daftarim,

Vaqt yetsa, bu yoqda qolar dardlarim.

Ruhim u yoqlarga qush bo‘lib uchar...

( Zulfiya)

Qanoat bir xazinadirki, naqdinasi kundan kun ortar.

(Abdulla Avloniyning "Turkiy guliston yoxud axloq" )

Alhosil, tarbiya bizlar uchun yo hayot — yo mamot, yo najot — yo halokat, yo saodat — yo falokat masalasidir.

(Abdulla Avloniyning "Turkiy guliston yoxud axloq" )

Hayo dilni ravshan qiladurgan bir nurdirki, inson har vaqt shul ma'naviy nurning ziyosiga muhtojdur.

(Abdulla Avloniyning "Turkiy guliston yoxud axloq" )

Ilm insonlarning madori hayoti, rahbari najotidir.

(Abdulla Avloniyning "Turkiy guliston yoxud axloq" )

Dunyoni go‘zallik qutqaradi.

(Dostayevskiy)

Kurashsiz, mehnatsiz shodlik, kulguni

O’g’irlik mol deyman,qilaman hazar.

Qalbimning parchasi singmasa agar,

Rozimasman, birov hadya etsa zar.

( Saida Zunnunova)

Haqorat yemrilur, Zulm yanchilur,

Jahonda bo’lurmiz Ozod, muzaffar.

(G’afur G’ulomning "Sen yetim emassan")

Aql sehrga bo'ysunmaydi. .. Ilm, aql degan narsalar qalin jildli kitoblarda bo‘ladi...

(X. To'xtaboyev "Sariq devni minib")