7-mavzu: Buyrak. Ularning yoshga qarab o‘zgarishi. Siydik yo‘li, qovuq, siydik chiqarish kanali, ularning yoshga qarab o‘zgarishi

Qo'l limfa tugunlari — Nodilymphoidei membri superioris
Qo'l limfa tugunlari qo'ltiq osti va tirsak bo'g'imi sohalarida joylashadi:
1) Nodi lymphatici axillares — qo'ltiq sohasidagi limfa tugunlari yuza va chuqur guruhlarga ajraladi. Qo'ltiq sohasidagi yuza limfa tugunlari kaftning ichki va bilakning medial yuzasidan v.basilica bo'ylab yo'nalgan limfa tomirlarini qabul qiladi. Bilakning lateral yuzasidan limfa tomirlari v.basilica bo'ylab yo'naladi va yuza qo'ltiq tugunlariga quyiladi.
Qo'ltiq sohasidagi chuqur qo'ltiq tugunlariga tirsak tugunlaridan chiquvchi, yelka hamda yelka kamari sohasidagi va ko'krakning yon devoridagi limfa tomirlari quyiladi. Qo'ltiqdagi limfa tugunlariga uning atrofidagi quyidagi limfa tugunlari quyiladi:
a) Nodi subscapulares — kurak osti limfa tugunlari;
b) Nodi pectoralis — ko'krakning old devoridagi limfa tugunlari;
d) Nodi apicales — qultiq uchi tugunlari;
e) Nodi humeralis — yelka tugunlari;
f) Nodi centrales — qultiq markazidagi tugunlar.
2) Nodi interpectorales — ko'krak mushaklari orasidagi tugunlar qo'ltiq osti tugunlariga quyiladi;
3) Nodi deltopectorales — deltasimon mushak va ko'krak mushagi orasidagi tugunlar qo'ltiq osti tugunlariga quyiladi;
4) Nodi brachiales — yelka mushaklari orasidagi tugunlar;
5) Nodi cubitales — tirsak bo'g'imi sohasidagi limfa tugunlari kaft va bilak vena qon tomirlari bilan birga yo'nalgan limfa tomirlarini qabul qiladi. Bu tugunlarga qo'1 panjasi suyaklari va mushaklari, bilak suyaklari hamda mushaklarining limfa tomirlari quyiladi. Bu guruh tugunlar tarkibiga yelka suyagi g'altagi ustidagi nodi supratrochleares tugunlari ham qo'shiladi.
6) Qo'ldagi tugunlar tarkibiga bilakdagi yuza tugunlar — nodi superficiales kiradi;
7) Qo'ldagi tugunlar tarkibiga bilak mushaklari orasidagi chuqur tugunlar — nodi profundi ham kiradi.
Ko'krak qafasidagi limfa tugunlari Ko'krak qafasidagi limfa tugunlari uning devoridagi parietal tugunlarga va ko'krakdagi a’zolar tuguni — visseral tugunlar guruhga bo'linadi. Parietal limfa tugunlari quyidagilardan iborat:
1. Nodi intercostales — qovurg'alararo limfa tugunlar;
2. Nodi parasternales — ko'krak qafasining old devori limfa tugunlari;
3. Nodi phrenici superiores — diafragmadagi ustki limfa tugunlar;
4. Nodi lymphatici paramammaria — oldingi devorning tashqi yuzasi sut bezi atrofidagi limfa tugunlari.