7. bap. JetiLİsken konkurensiYa bazarlari

Juwmaqlar
* Jetilisken konkurensiya-qarıydar hám satıwshılardıń bazar minez-qulqınıń - bazar sharayatınıń teńsalmaqlılıq jaǵdayına iykemleskenligine sáykes bazar dúzilisiniń túri.
* Firma-óndirislik resurslardan paydalanıp ónim islep shıǵarıw arqalı maksimum paydaǵa erisiwge háreket etetuǵın shólkem.
* Jetilisken konkurensiya jaǵdayında bazarlarda kópshilik firmalar standart ónimlerdi islep shıǵaradı; bunda satıwshı hám qarıydarlar bazar jaǵdayı boyınsha tolıq maǵlıwmatlarǵa iye; hár bir firma bazarǵa kiriw hám shıǵıwǵa erikli, olardıń ónim muǵdarı az úlesti quraydı hám bahanı berilgen dep esaplap, oǵan tásir jasay almaydı.
* Konkurent bazarlarda baha turaqlı bolǵanı ushın shekli dáramat bahaǵa teń.
* Payda-ulıwma dáramat hám óndiristiń ulıwma shıǵınlarınıń ayırması. Konkurent bazarlarda baha turaqlı bolǵanı ushın firma paydasın ónimdi kóp muǵdarda satıp kóbeytiwi mumkin.
* Shekli dáramat-qosımsha bir birlik ónimdi satıw arqalı alınatuǵın ulıwma dáramattıń ózgerisi.
* Maksimal payda teńsalmaqlılıǵı-usınılatuǵın ónimlerdiń kólemi bazar bahası shekli shıǵınlar hám shekli dáramatqa teń bolǵanda anıqlanatuǵın konkurent firmalardıń jaǵdayı
* Eger baha minimal ortasha shıǵınlarǵa teń bolsa firma normal payda alıwǵa erisedi
* Firmanıń dáramatı shıǵınlardan joqarı bolsa firma ekonomikalıq paydaǵa eristi deymiz.
* Eger baha minimal múmkin bolǵan ortasha shıǵınlardan tómen bolsa firma shıǵınların qaplay almaydı. Bunday jaǵdayda firma óz xızmetin toqtatadı, sebebi shıǵınları turaqlı shıǵınlardan da kóp.
* Tutınıw artıqshalılıǵı–tutınıwshı tovarda satıp alıw nátiyjesindegi utıslar kópligi.
* Óndiriw artıqshalıǵı-bazar bahası menen tovardı islep shıǵarıwdaǵı shekli shıǵınlardıń ayırmaları summası bolıp grafikte V úsh múyeshliginiń maydanına teń.