67 Sitrus mevalar yetishtirish indd

Апельсин Citrus sinensis Osb., навлари.
 Гамлин
– Италия нави серҳосил, эртапишар нав бўлиб, 
Ўрта Ер денгиз гуруҳига киради. 
Тупи паст бўйли бўлиб, бўйи 2-2,5 м га, шох-шаббасининг
эни 1,5-1,7 м гача етади, шох-шаббаси тик ўсувчи, жуда сер-
шох, танаси ва асосий шохлари ўртача йўғонликда, тана-
сининг диаметри 13-18 см. Бир йиллик новдалар тўқ яшил 
рангда, ўртача узунликда, ингичка, сербарг бўлади.
Барглари – ўртача йирик, оч яшил рангда, чўзиқ-овал-
симон, учи ўткирлашган, асоси юмалоқ. Барг банди қалин, 
қанотчасиз ёки ингичка қанотчали. 
Гули – оқ ўртача, жуда хушбўй ҳидли, тўп-тўп жойлашган. 
Апрелнинг охирида гуллайди. 
Меваси – ўртача йирикликда, вазни 100-130 грамм келади, 
шакли ясси-юмалоқ ёки шарсимон. Мева асоси ва учи юмалоқ, 

---

47
Цитрус мевали ўсимликлар етиштириш
67–
китоб
баъзан бир оз ясси. Учида кўпинча бир оз ботиб кетган доирача 
бўлиб, унинг диаметри икки сантиметрга яқин келади. Пўсти юпқа, 
юмшоқ, ялтироқ, тўқсариқ ёки тўқ сариқ-қизғиш рангда, этидан 
яхши ажралади. Эти очиқ рангда тўқсариқ, майин, серсув, хушбўй 
ҳидли, нордон-чучук, жуда мазали. 10-13 паллага ажралади, пал-
лаларни ўраб турган пардаси юпқа. Мевасининг умумий ваз-
нига нисбатан 45-50% шарбат чиқади. Шарбатида 6,5-7,0% қанд,
1,0-1,1% кислота ва 50-55 мг/% С витамини бор. Мевасида 4-6 
дона уруғ бўлади. 
Нав хусусияти – экилганидан кейин тўртинчи йили ҳо-
силга киради. Мевалари ноябрь охирида пишади. Бу хан-
дақларда ўстириш мумкин бўлган энг яхши нав. Тўлиқ ҳосил-
га кирганда ўртача йиллик ҳосилдорлиги ҳар тупдан 13-20 кг 
ёки гектарига айлантириб ҳисобланганда (ўсимликлар қа-
линлиги гектарига 700 туп бўлганда) хандақларда 91-140 
центнерни ташкил этади ёки иссиқхоналарда (ўсимликлар 
қалинлиги гектарига 1050 туп бўлганда) 130-210 центнерни 
ташкил этади.