6-Mavzu: Yangi ta’lim mazmunini loyihalash. Ilmiy maktablar doirasida pedagogik innovatsiyalar Reja

G. Selevko texnologiyasi: o‘qitishni tabaqalashtirish o‘quv jarayonini tash­kil etish shakli sifatida izohlanadi, o‘zida bilim darajasi bir xil bo‘lgan, u yoki bu jihatdan o‘quv jarayonida umumiy sifatlarga ega bo‘lgan talabalar guruhi bilan o‘qituvchi ishlaydi; o‘qitishni tabaqalashtirish o‘quv jarayo­ni­dagi ta’lim oluvchilarning turli guruhlarini ixtisoslashtirilishini ta’min­laydigan umumiy didaktikaning bir qismi sifatida ham belgi­la­nadi.

N. Guzik texnologiyasi: o‘qitish tizimining qurama texnologiyasi, bu texnologiyada uchta tabaqalashtirishning turli darajadagi qiyinchilikda: “S”-dasturi tayanch standart sifatida qayd qilinadi, uni bajarish orqali ta’lim oluvchilar fan bo‘yicha o‘quv materialini, uni qayta tiklay olish darajasida o‘zlashtiradilar; “S” dasturi vazifalarini nisbatan qiyin dasturga o‘tmasdan oldin har bir o‘quvchi bajara olishi lozim; “V”-dasturi mavzuni qo‘llash bilan bog‘liq masalalarni yechish uchun zarur bo‘lgan o‘quv va aqliy faoliyatining umumiy va o‘ziga xos usullari bilan birga egallashni ta’minlaydi, ushbu dasturga kiritiladigan qo‘shimcha ma’lumotlar birinchi bosqich materiallarini kengaytiradi, asosiy bilimlarni isbotlaydi, namoyish etadi va oydinlashtiradi, tushuncha­larning amal qilish va qo‘llanishini ko‘rsatib turadi; “A”-dasturi o‘quvchilarning bilimlarini to‘la anglash, ijodiy qo‘llash darajasiga ko‘taradi, bu dasturda ijodiy qo‘llash istiqbolli tobora takomillashib boruvchi ma’lumotlar, chuqurlashtiriladigan materiallar, uning mantiqiy asoslanganligi joylashtirilgan.

I. Unt, A. Granitskaya, V. Shadrikov texnologiyalar: individual o‘qitish o‘quv jarayonini tashkil etish shakli, modeli sifatida belgilanadi; unda: pedagog faqat birgina talaba bilan o‘zaro munosabatda bo‘ladi; bir talaba faqat o‘qitish vositalari - darsliklar, kompyuter va boshqa bilan o‘zaro aloqada bo‘ladi.

Tramp- rejasi: bu texnologiya AQShda juda mashhur, bu o‘qitish shakllari­ning shunday tizimiki, unda katta auditoriyadagi mashg‘ulotlar kichik guruh­lardagi individual mashg‘ulotlar bilan qo‘shib olib boriladi; zamonaviy texnik vositalar yordamida 100-150 kishidan iborat katta guruhlarda yuksak malakali o‘qituvchilar va professorlar ma’ruza o‘qiydilar, 10-15 kishidan ibo­rat kichik guruhlar esa ma’ruza materiallarini muhokama qiladilar va bahs yuritadilar. Yakka xolda esa maktab xonalarida va laboratoriyalarida o‘t­kaziladi. Leksiya mashg‘ulotlariga 40%, kichik guruhlardagi mashg‘ulot 20%, kabinet va laboratoriyalardagi individual ishlarga 40% ajratiladi. Odat­dagi sinf tushunchasi yo‘q, kichik guruhlar ham doimiy emas.