6-mavzu matni

Standart vektorli drayverlar orqali chop etish (ishning eng ko’p tarqalgan texnologiyasi) plotterga o’rnatilgan standart ranglar politrasidan (odatda 256 dan 16 rangni tanlash mumkin) foydalanib, vektorli grafikani chiqarishda oraqamlik bilan talab etilgan rangni olish imkonini beradi. Uning kamchiliklari:

- fayllar hajmini bir necha megabayt darajasiga ko’paytirishda plotter xotirasini kengaytirish kerak bo’ladi;

- grafikaning murakkabligi oshgani sari fayllar hajmi va vektorlar soni bo’yicha plotterga o’rnatilgan vektor tili interpretatorining fayllar hajmi va vektorlar soni bo’yicha imkoniyatlari juda tez tugaydi (xotirani kengaytirish ham bunda yordam bermaydi);

- rastrli – vektorli grafikani chop etish mumkin emas (masalan, rastrli asosdagi kartani);

- faylni chop etishga tayyorlash vaqti fayl hajmi oshgani sari tez o’sadi va 1-2 soatga yetishi mumkin.

Standart rastrli drayverlar bilan chop etish quyidagi imkoniyatlarni beradi:

- xoxlagan o’lchamdagi faylni chiqarish;

- aralash (rastrli – vektorli) grafikani chop etish.

Kamchiliklari:

- amalda to’g’ri rang uzatishni olish mumkin emas – monitor ekranida bir xil ranglar ko’rinib turadi, plotterda esa umuman boshqalari olinadi;

- faylni chop etishga tayyorlash vaqti uning hajmi oshgani sari tez o’sadi va bir necha soatni tashkil etishi mumkin;

- oddiy rastrlash poligonlarning yaxshi to’ldirilishiga erishishni ta’minlamaydi;

fotorealistik sifatga erishish mumkin emas (ranglar chuqurligi va mayda detallardagi aniqlik yetishmaydi).

Plotterga o’rnatilgan PostScript Level2 interpretatoridan foydalanib chop

etish quyidagi ustunliklarga ega:

- standart drayverlar bilan ishlashga nisbatan chop etish sifati sezilarli yuqori;

- ham vektorli, ham rastrli grafika bilan ishlash mumkin.

Kamchiliklari:

- xotirani kengaytirish talab etiladi;

- ishlov beriladigan fayllar hajmi bo’yicha cheklashlar bor (hattoki xotirani maksimal kengaytirishda ham);

- rastrlash algoritmlari bo’yicha ham cheklashlar bor, hattoki ularni takomillashtirish ham mumkin emas;

- ranglarni rostlash jadvali bilan ishlash imkoniyati yo’q;

- ishlov berish tezligi bo’yicha takomillashtirish mumkin emas.