6-мавзу. Асосий воситалар ҳисоби

Лизинг олувчи –бу эгалик қилиш ва фойдаланиш учун лизинг шартномаси бўйича лизинг объектини олаётган шахс (субъект).
Сотувчи – бу лизинг берувчига лизинг объектини сотган шахс (субъект).
Лизинг объекти –бу истеъмол қилинмайдиган ҳар қандай ашёлар, шу жумладан, корхоналар, мулкий комплекслар, бинолар, иншоотлар, ускуналар, транспорт воситалари ҳамда бошқа кўчар ва кўчмас мулк.
Молиявий лизинг – бу лизингни шундай тури бўлиб, унда лизинг объектига мулкий ҳуқуқ ва ундан келиб чиқадиган риск ва манфаатдорликнинг асосий қисми лизинг шартномасига мувофиқ лизинг олувчига ўтади.
Оператив (жорий) лизинг – бу лизингни шундай тури бўлиб, унда тузилган лизинг шартномаси молиявий лизинг шартномасига қўйилган талабларнинг биронтасига ҳам тўғри келмаслиги керак.
Сублизинг-бу лизинг олувчи томонидан лизинг берувчининг розилиги билан лизинг оюъектини бошқа учунчи шахс (субъект)га ижарага берилиши.
Лизинг тўлови - лизинг шартномасининг муҳим элементи бўлиб, лизинг олувчи томонидан лизинг берувчига тўланадиган қарз суммасини билдиради.


Мавзу бўйича назорат саволлари

Асосий воситалар бўйича лизинг (ижара) операцияларининг қандай турлари мавжуд? Асосий воситалар бўйича молиявий лизингнинг лизинг олувчи ва лизинг берувчида ҳисоби қандай юритилади? Асосий воситаларни жорий ижарага бериш ва олиш ҳисоби қандай юритилади?

Мавзу бўйича тест савол-жавоблари
1.Лизинг мулки бўйича амортизация (эскириш) кимда ҳисобланади?
а) Лизинг олувчида
б) Лизинг берувчида
в) Ҳар иккала томонда
г) Ҳеч қайси томонда ҳисобланмайди

2. Лизинг олувчида узоқ муддатли лизингга олинган асосий воситалар қайси счётда акс эттирилади?

а) 0100 счётда
б) 0300 счётда
в) 0800 счётда
г) 0900 счётда