6-mavzu. Adabiy tur va janrlar. Epik tur va uning janrlari. Reja

Mavzu yuzasidan savol va topshiriqlar.

1. 
   Tasvir predmeti deganda nimani tushunasiz? «Ob’ektning plastik obrazi» va «sub’ektning noplastik obarzi» tushunchalarini izohlab bering.
   
2. 
   Turli adabiy turlarga mansub asarlarning nutqiy shakllanishidagi o‘ziga xosliklar nimalarda ko‘rinadi? Bu o‘ziga xosliklar turlarga ajratish tamoyili bo‘la oladimi?
   
3. 
   «Badiiy vaqt hissi» deganda nima nazarda tutiladi? «Badiiy vaqt hissi»dagi turlichalikni konkret misollar yordamida tushuntirib bering.
   
4. 
   Adabiy turlarga ajratishda muayyan shartlilik mavjudligini asoslab bering. Turlararo sintezlashuv deyilganda nima nazarda tutiladi?
   
5. 
   Adabiy turlarning muayyan davr adabiy jarayonida tutgan o‘rni, mavqeining turlicha bo‘lishi nimadan? Qaysi adabiy turga mansub asarlar ko‘proq qimmatga ega?
   
6. 
   Epik asardagi «plastik» va «noplastik» unsurlar deyilganda nimani tushunasiz? Epik asarda ob’ektiv va sub’ektiv ibtidolarning uyg‘un birikishini tushuntirib bering.
   
7. 
   Epik turning belgilovchi xususiyati voqeabandlik ekanini asoslang. Epik asar tarkibida rivoya, tavsif va dialogning tutgan o‘rni, ularning munosabatini tushuntiring.
   
8. 
   Epik asardagi dialogning dramatik asardagi dialogga nisbatan hayotiyroq, ma’no sig‘imi kengroq bo‘lishi nimadan? Buni misollar yordamida asoslab bering?
   
9. 
   «Rivoya», «roviy» atamalariga izoh bering. Rivoyaning muallif yoki personaj tilidan olib borilishi nima bilan bog‘liq? Rivoya motivatsiyasi deganda nimani tushunasiz?
   
10. 
    Epik asarlarni janrlarga ajratishda nimalarga e’tibor beriladi? Janrlarga ajratishdagi turlichaliklar, bu boradagi yoiyinchiliklar nimalarda ko‘rinadi?
    

Mavzu yuzasidan berilgan ayrim so‘zlar uchun izohli lug‘at:
(Glossariy)

1. 
   Monolog – asar ishtirokchisining suhbatdoshiga, o‘ziga, ba’zan tomoshabinga qarata aytgan so‘zi.
   
2.