6-маъруза. Электр контактли, потенциометрик, тензометрик, сиғимли датчиклар

Потенциометрик датчикларнинг конструкцияси
Конструктив жихатдан потенциометрик датчиклар каркас 1, унга ўралган юпқа сим 2 ҳамда движок 3 дан иборат бўлади. Ғалтак ўрами бўйлаб движок 3 харакатланади. У ўлчаш талаб этиладиган силжиш объектига механик уланган бўлади. Ўрам изоляцияланган ўтказгичдан тайёрланган бўлиб, движок билан контакт қиладиган қисми очиқ холатда бўлади.
Каркас одатда ясси ёки цилиндр шаклида бўлади. Каркас тексталит, гетенакс, мластмасса, керамика каби ток ўтказмайдиган материалдан ёки изоляцияланган металдан тайёрланади. Метал каркасларнинг иссиқликни ўтказиш қобилияти яхши бўлгани учун датчикнинг чиқишида катта қувватли электр сигналларни олиш имконини беради. Бундай каркас учун материал сифатида қалинлиги 10 мкм атрофида бўлган алюмин оксиди қатламидан фойдаланиш мумкин. Лупа ёрдамида 20 марта катталаштирилиб қаралганда қтламда ёриқлар ёки нотекисликлар бўлмаслиги зарур. Бундай қатламни бузадиган кучланиш 500 В дан кам бўлмайди.
Потенциометрик датчикларнинг ўрами учун кўпинча хароратга боғлиқ бўлган қаршилик кэффициенти кичик бўлган манганин, константин ва бошқа ўтказгич материаллардан фойдаланилади. Движок катта куч билан харакатлантириладиган шароитда диаметри 0.1-0.3 мм бўлган ўтказгичлардан, кичик куч билан харакатлантириладиган шароитда эса таркибига платина, кумуш, иридий, рубидий ва осмий каби металлар киритилган қотишмадан тайёрланган, диаметри 0.03-0.01 мм ли ўтказгичлардан фойдаланилади. Потенциометрик датчикларда фойдаланиладиган айрим ўтказгич материалларининг характеристикалари 4.1-жадвалда келтирилган.

4.1-жадвал. Потенциометрик датчиклар учун ишлатиладиган ўтказгич материаллари
Ўтказгич материали	t=20°C хароратдаги нисбий қаршилиги Ом*мм^2/м