6 Лаборатория иши Температурани электр усулида ўлчаш

V. Назорат саволлари ва топшириқлар:
1. Нима учун чўғланма толали лампалар инерт газлари билан тўлдирилади? Агар лампа кислород билан тўлдирилса нима бўлади?
2. Агар чўғланма толанинг спираллари мис симлардан ясалса нима бўлишини тушунтиринг.
3. Агар кучланиш камайса ёки ортса чўғланма толали лампаларнинг ёруғлик бериши ва ишлаш муддатлари қандай ўзгаради, нима учун?
4. Лампа толаси ишчи температурасининг лампа қувватига боғлиқлиги графигини чизинг.


VI. Хулоса.
Лаборатория ишини бажаришда олинган тажриба натижалари хақида ўз хулосаларингизни ёзинг. Ушбу усулда температурни ўлчашнинг аниқлиги қанча бўлиши мумкингиги ва аниқликни ошириш учун нима қилиш кераклигини ўйлаб кўринг.


VII.Адабиётлар.
1. А.С.Каримов Электротехника ва электроника асослари Т. Ўқитувчи 1995 й. 7.8 бўлим.
2. Фан бўйича маъруза: 8-маъруза 1-2- бўлим.

№ 7 Лаборатория иши

Термопара ёрдамида температурани ўлчаш


Кириш
Температурани ўлчашда техникада термопаралар кўплаб ишлатилади. Термопара ёрдамида температурани ўлчаш анча содда бўлиб автоматик системаларда ишлатиш учун жуда қулай. Термопара икки хил металнинг ўзаро бирлаштирилишидан хосил бўлади. МЭК 60584 Халқаро стандартига кўра термопара ики хитл металл бир учларининг бирлашишидан хосил бўлган термоэлектрик эффект асосида температурани ўлчовчи қурилмадир. Бу металларнинг турли хил температуралардаги электр ўтказувчанликлари турлича булганлиги учун уларда эркин электронлар концентрацияси турлича бўлади. Натижада уларни бирлаштирганда электронлар концентрацияси кўп мателлдан иккинчи металл томон электронлар оқими пайдо бўлиб электр юритувчи куч хосил қилади. Натижада температурани ўлчаш электр юритувчи кучни ўлчаш масаласига келтирилади, шунинг учун хам термопара ёрдамида температурани ўлчаш энг содда ва қулай усулдир. Унинг асосий камчилиги термодинамик жараёнларнинг катта инертлиги билан боғлиқ.