6-klass ushin “Shen’berdin’ uzinlig’I ha’m do’n’gelektin’ maydani”

• No’kis qalasi Xalq bilimlendiriw bo’limine qarasli 2-sanli qa’nigelestirilgen mekteptin’ Matematika pa’ni oqitiwshisi Karamatdinova Aynuranin’
• 6-klass ushin
• “Shen’berdin’ uzinlig’I ha’m do’n’gelektin’ maydani”
• Temasina bir saatliq
• sabaq islenbesi.

• 1.Sabaqtin’ maqseti:
• A)Bilim beriwshilik:Shen’berdin’ uzinlig’I ha’m do’n’gelektin’ maydani haqqinda bilim ha’m ko’nlikpelerdi qa’liplestiriw;
• B)Ta’rbiyaliq maqseti:Oqiwshilardi milliy qa’diriyatlarimizdi qa’dirlew, dosliq,bir-birewge hu’rmet ruwxinda ta’rbiyalaw.
• C)Rawajlandiriwshiliq:Oqiwshilardin’ bilim ha’m ko’nlikpelerin,erkin pikirlewin qa’liplestiriw;
• 2.Paydalanatug’in kompentenciyalar:
• A)matematik sawatxanliq
• B)O’zin-o’zi rawajlandiriw
• C)Axborat penen islesiw.

• 3.Sabaqtin’ tu’ri: Jan’a bilim beriw,bekkemlew.
• 4.Sabaqtin’ metodi: Kim shaqqan,soraw-juwap metodi.
• 5.Sabaqti qurallandiriw:Sabaqliq,metodikaliq qollanbalar,elektron doska,slayd,taxta,por,ko’rgizbe qurallar.

• Sabaqtin’ barisi:

1.Sho’lkemlestiriw (4 minut):

• Klasqa kirip oqiwshilar menen sa’lemlesip,klass tazalig’in baqlaw.Na’wbetshi arqali oqiwshilardi barlaw,sabaqta joq oqiwshilardi jurnalg’a belgilew.Oqiwshilardi bilim da’rejesine qarap toparlarg’a bo’liw.
• 2.O’tilgen temani ta’krarlaw (10 minut):
• O’tken sabaqta “keteksheli qag’azda maydanlardi esaplawg’a tiyisli a’piwayi ma’seleler” temasi o’tilgen bolip,u’yge tapsirma etip N°1154 esaplar berilgen edi.Bul esaplardin’ shig’ariliwin oqiwshilardin’ da’pterlerin tekserip, qosimsha sorawlar berip bahalaw.
• 3.Taza temani tu’sindiriw (12 minut):
• Shen’berdin’ uzinlig’i.
• Shen’ber, do’n’gelek tu’sinikleri menen 5-klasta tanisqanbiz.A’meliy shinig’iw sipatinda to’mendegi waziypani orinlan’:Qag’az kartonnan radiuslari ha’r qiyli bolg’an (ma’selen 3sm ha’m 5sm)eki do’n’gelek kesip alin’. Do’n’gelek aylanasinda qandayda bir noqatti belgilen’. Sizig’ishtin’ 0 noqati yag’niy esap basin usi noqatqa qoyin’ ha’m oni A noqati menen belgilen’. Son’ A noqatinan baslap do’n’gelekti sizg’ish boylap on’ ta’repke bir ma’rte toliq aylandirin’.

• Do’n’gelektegi noqattin’ sizig’ishqa kelip uring’an jerin B noqati menen belgilen’. Payda bolg’an AB kesindisi shen’berdin’ uzinlig’I boladi. Usi jumisti ekinshi shenber ushinda orinlan’.
• Shen’ber uzinlig’inin’ usi shen’ber diametrine qatnasi grekshe π (“pi” dep oqiladi) ha’ribi menen belgilenedi. Shen’ber uzinlig’in C, radiusin r, diametrin d ha’ribi menen belgilesek, onda
• d=2r, C:d=π, yag’niy C:(2r)=π boladi.
• Bunnan C=π•d ya’ki C=2πr
• -π sani turaqli san. π shen’berdin’ radiusina baylanisli emes.

Shen’berdin’ uzinlig’in tabiw ushin onin’ diametrin π sanina ko’beytiw kerek.

• π=3,14159265358979325…….
• A’meliyatta,shinig’iwlar orinlawda a’piwayiliq ushin,ko’binese, π=3,14 (geyde π=3,1416; π=22/7) dep alinadi.

Misali: Shen’berdin’ radiusi 3sm onin’ uzinlig’in tabin’!

• Sheshiliwi: C=2π•r formulasina tiykarlanip,
• C=2•3,14•3=18.84sm
• Juwabi:18,84sm
• Do’n’geliktin’ maydani.
• Do’n’gelektin’ maydanin S ha’ribi menen belgileyik.

Do’n’gelektin’ maydani penen esaplanadi

• Misali:
• Do’n’gelektin’ maydani 12,56sм2 qa ten’ onin’ radiusin tabin’!
• Sheshiliwi:
• S=π•R2 formulada, S=12,56; π=3,14 desek, 12,56=3,14R2 bunnan, R2=4.
• Qanday sandi o’z-o’zine ko’beytkende 4shig’adi?
• R•R=2•2,demek, R=2sm
• Juwabi: R=2sm

• 4. Taza temani bekkemlew (15 minut):
• Esaplar shig’ariw:N°1156.
• Radiusi 1) R=0,5sm 2) R=5dm bolg’an shen’berdin’ uzinlig’in tabin’!
• 1)r=0,5sm C=2πR=2•3,14•0,5=3,14sm
• 2)R=5dm C=2πR=2•3,14•5=31,4dm
• N°1158.
• Uzinlig’i 1)31,4sm 2)56,52dm ge ten’ bolg’an shen’berdin’ diametri neshege ten’?
• 1)C=31,4sm C=πd => d=C/π=31,4:3,14=10sm
• 2)C=56,52dm C=πd => d=C/π=56,52:3,14=18dm
• N°1166.
• Do’n’gelektin’ maydanin 1)36πsм2 2)16πdм2 qa ten’. Usi do’n’gelektin’ aylanasinin’ uzinlig’I qansha?
• 1) S=36πsм2 S=πR2 => R2 =S/π=36π:π=36 R=6
• C=2πR=2•3,14•6=37,68sm

• 2)S=16πdм2 S=πR2 => R2=S/π=16π:π=16 R=4
• C=2πR=2•3,14•4=25,12dm

• 6.Oquwshilardi bahalaw (2minut).
• Sabaqta taza temani bekkemlewde berilgen esaplardi duris shig’arip,aktiv qatnasqan oqiwshilardi bahalaw.
• 7.U’yge tapsirma beriw (2 minut).
• U’yge tapsirma N1161-esaplar.

I’TI’BARIN’IZ USHIN

RA’XMET!