6-cинфлар учун

YASALADIGAN BUYUMLARNING CHIZMALARINI

O’QISH VA TUZISH

Konstruksiyalash obekti sifatida tuzatish ishlari uchun mahsus (eshik, deraza romi, stul, stol va hokazolarga kerakli) vint tavsiya etiladi. Shu vint konstruksiyasini ishlab chiqish uning vazifasini va nimalarda qo’llanishini aniklashdan boshlanishi lozim. Shuning uchun qo’yilgan maqsad asosida mahsus mahkamlovchi vintning konstruksiyasini ishlab chiqishga kirishish mumkin. Masalan, safdan chiqqan, lekin hali foydalansa bo’ladigan (metall va yog’och qismlardan iborat) stullarni tuzatishda uzunligi taxminan 35 mm, diametri 6—8 mm va diametri 16—18 mm dumaloq kallakli mahsus vintdan foydalaniladi, Bunday vint tuzatish ishlarining hamma talablariga to’la javob beradi. Shu detalni konstruksiyalashni uning geometrik shakli va o’lchamlarini belgilashdan boshlash kerak. Vintning konstruktiv elementlari sifatida uning dumaloq kallagi A ni ko’rib chiqamiz.

Kallakning diametri rezbali sterjen V ning diametriga nisbatan uch martadan ziyod katta. Buning sababi shuki, kallak o’zining yassi sirti bilan stulning faner va yog’ochdan yasalgan o’rindig’i yoki suyanchig’iga zich yopishib turishi, ma’lum darajadagi bosim ta’sirida yog’ochga botib ketmasligi kerak. Bundan tashqari, dumaloq kallak 4—5 mm dan baland bo’lmasligi lozim. U o’rindiq yoki suyanchiqning sirtidan bo’rtib chiqib, unda o’tirgan kishiga noqulaylik tug’dirmasligi kerak. Vint kallagining dumaloq sirti stulda o’tirgan kishining kiyimiga ilashib, uni yirtib qo’ymasligi uchun silliqlanadi.
Vintning diametri 6 mm silindrsimon sterjeni stulga tushadigan og’irlikka
dosh beradi. Ana shu diametrga mos rezba ochiladi. Rezbaning uzunligi biriktiriladigan detallarning qalinligiga qarab belgilanadi. Ushbu holda sterjenning umumiy uzunligi 30 mm cha bo’lishi kerak. Uning yarmiii rezba tashkil qilishi lozim. Plashka bilan tashqi rezbani ochish oson bo’lishi uchun sterjenning uchida 1,5X45° o’lchamli faska D hosil qilish zarur. Sizlar mahsus vint konstruksiyasini ishlab chiqishda va uning hamma elementlarini asoslashda shu detalning chizmasini bajarishingiz va uni yasashning texnologik kartasini (texnologik kartani) diqqat bilan o’rganishingiz kerak.
Texnologik xarita.