6-Amaliy mashg’ulot О‘lchash va kalibrlash bо‘yicha o’zdst iso/iec 17025. 2015 asosiy talablari

Агар лабораториялар ушбу стандартга мувофиқ бўлса ҳамда агар улар мазкур стандартдан фойдаланувчи бошқа мамлакатлардаги эквивалент идоралар билан ўзаро тан олиш тўғрисида келишувлар тузган идораларда аккредитлашни олган бўлса, мамлакатлараро синов ва калибрлашлар натижаларини қабул қилиш осонлашади.
Ушбу стандартдан фойдаланиш лабораториялар ҳамда бошқа муассасалар ўртасидаги ҳамкорлик учун имконият туғдиради, ахборот ва тажриба алмашишда ҳамда стандартлар ва усулларни уйғунлаштиришда ёрдам беради.
1 Қўлланиш доираси
1.1 Ушбу стандарт синовлар ва/ёки калибрлашлар, шу жумладан намуналарни танлаш, стандарт усуллар, ностандарт усуллар ва лаборатория томонидан ишлаб чиқилган усуллар бўйича ўтказиладиган синовлар ва калибрлашлар ўтказишда лабораториялар компетентлилигига қуйиладиган умумий талабларни белгилайди.
1.2 Ушбу стандарт синовлар ва/ёки калибрлашларни амалга оширувчи барча ташкилотлар учун қўлланилади. Булар қаторига, масалан, биринчи, иккинчи ёки учинчи томон бўлиб ҳисобланадиган лабораториялар, шунингдек инспекция ҳамда маҳсулотни сертификатлаштириш қисмини ташкил қилувчи синовлар ва/ёки калибрлашлар ўтказиладиган лабораториялар киради.
Ушбу стандарт ходимлар сони ёки синовлар ва калибрлашлар соҳасида фаолият турларидан қатъий назар барча лабораторияларга тарқалади. Агар лаборатория мазкур стандарт томонидан белгиланган, намуналарни танлаш ва янги усулларни ишлаб чиқиш каби бир ёки ундан ортиқ фаолият турларини амалга оширмаса, бу ҳолда тегишли бўлинмалар талаблари уларга тааллуқли.
1.3 Келтирилган изоҳлар матн, мисоллар ҳамда кўрсатмаларни шарҳлайди. Улар ўз ичига талабларни олмайди ҳамда мазкур стандартнинг ажралмас қисмини ташкил қилмайди.
1.4 Мазкур стандарт лабораториялар томонидан ўз сифат менежменти тизимини ишлаб чиқишда ҳамда маъмурий ва техникавий фаолиятда қўлланилади. Шунингдек у лабораториялар компетентлилигини тасдиқлаш ва тан олишда лаборатория ҳизматларидан фойдаланувчилар, давлат ростлаш идоралари ва аккредитлаш идоралари томонидан қўлланилади.
1 Мазкур стандартда «менежмент тизими» атамаси лабораториялар фаолиятини бошқарувчи сифат тизими, маъмурий ва техникавий тизимларни англатади.
2 Менежмент тизимини сертификатлаштириш баъзан рўйхатдан ўтказиш деб аталади.
_________________________________________________________________
1.5 Ҳавфсизлик ва бошқа мажбурий талабларга лаборатория фаолиятининг мувофиқлиги ушбу стандартда кўриб чиқилмайди.
1.6 Агар синов ва калибрлаш лабораториялари мазкур стандартнинг талабларини бажарса, улар ISO 9001 талабларига мувофиқ бўлган синов ва калибрлашлар ўтказиш бўйича ўз фаолияти учун сифат менежменти тизимига эга бўлиши лозимдир. А иловада ушбу стандарт ҳамда ISO 9001 ўртасидаги номинал кесишувчи ҳаволалар келтирилган. Мазкур стандарт ISO 9001 га киритилмаган, техник компетентлиликка қўйиладиган айрим талабларни ўз ичига олади.
1. Баъзан талабларнинг келишилган қўлланилишини таъминлаш мақсадида мазкур стандартнинг айрим талабларини тушунтириш ёки шарҳлаб бериш зарурияти вужудга келади. Уни аниқ соҳаларда қўллаш бўиича кўрсатмалар, жумладан аккредитлаш идоралари учун (ISO/IEC 17011 қ.), В иловада келтирилган.
2. Агар лаборатория синов ва калибрлашлар бўйича фаолият қисми ёки барча турларига аккредитланишни истаса, у ҳолда у ISO/IEC 17011 талабларини бажарадиган аккредитлаш идорасини танлаб олиши лозим.