6-7 tajriba mashg’ulot. Bosimni o‘lchash va avtomatlashtirish vositalarining tipik montaji va sozlanishini o‘rganish

2. Bosim va vakuumni o’lchash ikkilamchi asboblar montaji

Bosim va vakuumni o’lchash asboblari buyurtmachi (bosh pudratchi)dan o’rnatish zonasida stendda tekshirilganlik protokollari bilan birga qabul qilib olinadi. Ular yaxshi yoritilgan joylarda, agregatlarning qizigan qismlaridan uzoqroqda o’rnatiladi.

Manometrlar. Asboblar tashqi ko’rikdan o’tkazilganda shtuserlarda manometrning ichki qismini ifloslanishdan va rezbalarni mexanikaviy shikastlanishdan saqlaydigan himoyalash qalpoqchalarining borligiga e’tibor beriladi. Tekshirish muddati tugagan, plombasi yoki tekshirilganlik to’’risidagi; tamg’asi bo’lmagan bosim yo’qligida mili shkalaning nol belgisiga qaytmaydigan mazkur manometr usun yo’l qoyilgan xatolikning yarmidan ortiq qiymatli belgida to’xtaydigan; oynasi singan yoki asbobning to’g’ri ko’rsatishiga ta’sir etadigan boshqa shikastlanishlar bo’lgan manometrlarni ishlatishga ruxsat etilmaydi.



164-rasm. Bug’ning yoki qaynoq suvning bosimini o’lchashda (r 1,6 MPa gacha, temperatura 2250S gacha) manometrlari gorizontal (a) va vertikal (b) quvuryo’llarga o’rnatish: 1-manometr, 2-uch yo’lli jo’mrak, 3-olish qurilmasi, 4-shtuser, 5-quvuryo’l, 6-U-simon trubka
Bug’ yoki qaynoq suvning bosimini o’lchash manometrlari (164-rasm) o’lchanadigan muhitning yuqori temperaturasidan saqlanadi. Buning uchun bug’ yoki suv asbobga to’’ri emas, balki halqasimon yoki U-simon trubkalar orqali keltiriladi. Manometrlar bosimni olish joyidan yuqoriroqda o’rnatiladi. Aks holda manometr bilan bosimni olish joyi o’rtasidagi suyuqlik ustunining balandligini hisobga oluvchi tuzatish kiritish lozim bo’ladi.

Manometrlarni nazorat manometri boyicha tekshirib ko’rish uchun ularning oldida uch yo’lli jo’mraklar yoki ventillar o’rnatiladi.

Toza muhitlarda 0,025 MPa gacha bosmini o’lchashda va neft mahsulotlarining, agressiv va portlash xavfi bo’lgan muhitlarning bosimini o’lchashda uch yo’lli jo’mraklar ishlatilmaydi, bunda faqat ventillardan foydalaniladi.

Bir o’ramli naychasimon prujinali, bortlari bo’lmagan manometrlarni shchitning paneliga cho’ktirbi o’rnatishda (165-rasm, a) ular shchitning paneli 6 ga yuza tomonda qoyiladigan halqa 2 va asbobning korpusini panelga siqib turadigan plankalar 4 yordamida mahkamlanadi. Bortli manometrlar shchitga plankasiz, asbobning orqa bortidagi teshiklardan o’tkaziladigan vintlar bilan mahkamlanadi.

165-rasm. Bortsiz manometrni shchitning paneliga o’rnatish (a) va havonig yoki agressiv gazlarning bosimini masofadan o’lchashda manometrni o’rnatish sxemasi (b): 1-vint, 2-old tomondagi halqa; 3-manometr, 4-planka, 5-gayka, 6-shchitning paneli, 7-tashlama gaykali pinnel, 8-uch yo’lli jo’mrak, 9-birlashtiruvchi truba, 10-berkitish ventili, 11-texnologik quvuryo’l.
Manometrlarni bevosita quvuryo’llarga yoki texnologik uskunaga o’rnatganda birikmaning o’zaro izch birikishini ta’minlash zarur. Biriktirish nippeli va manometrning o’zi charm, fibra, paronit, qo’rg’oshin, yoki kuydirilgan mis qistirmalar bilan zichlanadi.
10-jadval. Suyuqliklar uchun mo’ljallangan tortish o’lchagichlar, bosim o’lchagichlar va tortish-bosim o’lchagichlarni talab etilgan o’lchash chegaralriga qarab o’rnatish burchagi