6. 1-Mavzu: Fizika fanidan kompetentsiyaviy yondoshuvga asoslangan dts va shu asosida yaratilgan darsliklar tahlili

---

6.1-Mavzu: Fizika fanidan kompetentsiyaviy yondoshuvga asoslangan DTS va shu asosida 
yaratilgan darsliklar tahlili
Reja: 
1.
 
Umumiy o’rta va o’rta maxsus, kasb-hunar ta’limi tizimida umumta’lim fanlarini o’rganish 
bosqichlari. 
2.
 
Umumiy o’rta va o’rta maxsus kasb-hunar ta’limi muassasalarida fizika, astronomiya o’quv 
fanini o’qitishning maqsad va vazifalari 
Umumiy o’rta ta’lim maktablari o’quvchilarining ilmiy dunyoqarashi, mantiqiy fikrlashi, 
kasbiy tayyorgarligi va shaxsiy o’sishlarida fizika fani o’ziga xos o’rin tutadi. Dasturni tuzishda 
umumiy o’rta ta’lim maktablarining to’qqizinchi sinfini tugatgan o’quvchilarda fizika o’quv 
fanining fan-texnika taraqqiyotida, ishlab chiqarish sohalari va kundalik hayotda tutgan o’rnini 
anglatish, olgan bilimlarni amalda qo’llay olish kompetentsiyalarini shakllantirish va rivojlantirish 
ko’zda tutilgan.
Fizika fanini o’rganish 6-sinfda boshlanib, dastlabki A1 bosqichda mexanika, issiqlik, 
elektr, yorug’lik, tovush hodisalar hamda modda tuzilishi haqida boshlang’ich ma’lumotlar 
beriladi. A2 bosqichda Fizika fanini izchil kurs sifatida 7-sinfda fizikaning “Mexanika” kursi, 
8sinfda “Elektr” kursi, 9-sinfda “Molekulyar fizika asoslari”, “Optika”, “Atom va yadro fizikasi 
asoslari” va “Koinot haqida tasavvurlar” kurslari o’rganiladi. V1 bosqichda esa, umumiy o’rta 
ta’lim maktablarining 10-11 sinflarida fizika, astronomiya o’quv fani o’rganiladi
Umumiy o’rta va o’rta maxsus, kasb-hunar ta’limi tizimida umumta’lim fanlarini 
o’rganish bosqichlari 
 
O’zbekiston Respublikasi umumiy o’rta va o’rta maxsus, kasb-hunar ta’limi tizimida davlat 
ta’lim standartlariga asoslangan holda umumta’lim fanlarini o’rganish quyidagi bosqichlarda 
amalga oshiriladi: