6- amaliy mashg’ulot. Qator orasiga ishlov berish mashinalari va ularni ishga tayyorlash tartibini o‘rganish

2.21- rasm. Kulьtivatorning ishchi qismlari:
a- o‘g‘itlash soshnigi; b-yulduzcha; v- bir tomonlama kesuvchi
pichok; g- o‘qyoypanja; d-diskali pichok; e-yumshatkich panja; kombinatsiyalashtirilgan o‘g‘it solgich; z- yumshatgich ishchi qismlar
Kulьtivatorni ishga tayyorlash va sozlash. Kulьtivatorni ishga tayyorlash, uni zarur turdagi ishchi qismlari bilan butlash, ishchi qismlarni seksiyalarga o‘rnatish va joylashtirishdan iborat
Bunda g‘o‘za qator orasi 60 sm bo‘lganda jami 68 dona, 90 sm bo‘lsa 84 dona ishchi qismlari bo‘lishi talab etiladi. Bajaradigan ish turiga qarab kulьtivatorlarga qator orasi 60 sm bo‘lganda ko‘pi bilan 29 ta, 90 sm bo‘lganda 36 tagacha ishchi qismlar o‘rnatish mumkin.
Kulьtivatorning ishchi qismlarini o‘rnatish va sozlash ishlari ip tortilgan yoki sxema chizilgan maxsus tekis yuzasi qattiq maydonchada bajariladi Buning uchun birinchi navbatda barcha seksiyalarning tortqichlari 1 gorizontal holga keltiriladi (2.22-rasm), ishchi qismlar ishlov berish chuqurligi va kengligi bo‘yicha sozlanadi.
Ishchi qismlarni kerakli chuqurlikda yuradigan qilib sozlash uchun kulьtivator seksiyalarining har bir tayanch g‘ildiraki 4 tagiga taxtacha 5 lar qo‘yiladi. Bu taxtachalarning qalinligi (h) kerakli ishlov berish chuqurligidan 1-2 sm ga, ya’ni, g‘ildiraklarning tuproqqa botish chuqurligiga teng qiymatiga kam bo‘lishi kerak.

2.22-rasm.Kulьtivator seksiyasi tortqichini gorizontal holatga keltirish: 1-tortqich; 2-parallelogram seksiya; 3-klyuch; 4-tayanch g‘ildiragi; 5-taxtacha; h- ishlov berish chuqurligi

SHundan so‘ng ishchi qismlar kulьtivator seksiyalariga o‘rnatiladi va mahkamlanadi, bunda pichoq, o‘qyoysimon va chuqur yumshatkich panjalarning qirquvchi qirralari maydoncha yuzasiga to‘liq tegib turishi, yumshatkich panjalar esa tumshug‘i bilan tayanib turishi lozim.

To‘g‘ri o‘rnatilgan pichoqlarning gorizontal qismi va o‘qyoysimon panjaning tumshug‘i (2.23-rasm) maydon yuzasi bilan 12-18⁰, chuqur yumshatkich va yumshatkich panjalarning tumshuqlari esa 30-40⁰ burchak hosil qilishi lozim. O‘rnatiladigan barcha ish organlarining kesuvchi qirralari o‘tkir bo‘lishi kerak.