5G internet tezligi haqida 5G haqida

Yurtimizga qachon 5G keladi?

Mobil aloqa operatorlari 2025 yilga borib Oʻzbekistonda tijorat 5G tarmogʻini ishga tushiradi. Bu haqda GSMA xalqaro assotsiatsiyasi hisobotida aytib oʻtildi. Hisobotga koʻra, bugungi kunda Oʻzbekiston aholisining 60 foizi mobil aloqa bilan qamrab olingan.
Joriy yilning iyun oyida Axborot texnologiyalari va kommunikatsiyalarini rivojlantirish vazirligi Oʻzbekistonda xalqaro internet-kanallarga ulanish tezligi 140,034 Gbit/s.ni tashkil etayotgani va bu koʻrsatkich 2018 yil boshiga nisbatan bir yarim barobar tezlashganini maʼlum qilgan edi.
Maʼlumotlarga koʻra, 2018 yilning 6 oyi mobaynida Oʻzbekistonda 690 km. optik tolali aloqa liniyalari tortilgan. 1004 ta yangi bazaviy stansiyalar oʻrnatilgan. Ularning 483 tasi 3 G va 4G LTE tarmogʻini qoʻllab quvvatlaydi. Ayni paytda mamlakatimizdagi optik tolali aloqa liniyalarining umumiy uzunligi 24,5 ming km.ga yetib, bazaviy stansiyalarning umumiy soni esa 20,994 mingtani tashkil etmoqda.
Maqolam orqali sizga 5G haqida ancha ma'lumot bera oldim degan umiddaman.
5G texnologiyasini tatbiq etishni tezlashtirish muhim va kerakliligi haqida O‘zbekiston Respublikasi Prezidenti Shavkat Mirziyoyev joriy yilning aprel oyida Pekinda Huawei kompaniyasining Tadqiqotlar va innovatsiyalar markaziga tashrifi davomida aytib o‘tgan.
O‘zbekistonda 5Gni tatbiq etish bo‘yicha Prezident topshirig‘ini bajarish uchun «Coscom» MChJ (Ucell savdo belgisi) mobil aloqaning beshinchi avlodi – 5Gni sinash jarayonini boshladi, bu texnologiya o‘zining yuqori tezlikda ma'lumot uzatish imkoniyatlari bilan chindan ham innovatsion hisoblanadi.
Zamon texnologik talablariga mos tarzda, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi operatorlar, provayderlar hamda O‘zbekistonga telekommunikatsion qurilmalarni olib keluvchi mutaxassislarni taklif qilib, mamlakatda 5G tarmog‘ini tatbiq etish bo‘yicha takliflarni taqdim etishlarini so‘radi.
An'anaviy tarzda O‘zbekistonda so‘nggi texnologiyalarni birinchilardan bo‘lib tatbiq etuvchi Ucell kompaniyasi taklifni qabul qilib, sentabr oyida 5G tarmog‘ini sinash uchun ruxsat oldi.
Birinchi 5G tijoriy tarmog‘ini rivojlantirish uchun Huawei kompaniyasi tomonidan taqdim etiladigan eng yangi qurilmalar xarid qilinib, mamlakatga kiritildi. Shu kunlarda kompaniya mutaxassislari Ucellning Toshkentdagi bosh ofisi – Ucell Plazada birinchi 5G sinovini o‘tkazdi. Real shartlarda qayd etilgan maksimal tezlik 1 Gbit/s ga yaqin bo‘ldi. SpeedTest servisi yordamida amalga oshirilgan o‘lchovlar 1376 Mbit/s gacha yuklash tezligini ko‘rsatdi.
25-27 sentabr kunlari yillik «ICT EXPO 2019» ko‘rgazmasi doirasida Ucell ishtirokchilar hamda mehmonlar uchun yoqimli syurpriz tayyorlamoqda: sinov rejimida 5G qurilmasining namoyishi! Gap nafaqat mumkin bo‘lgan yangi imkoniyatlar taqdimoti haqida, balki kompaniya stendida 5G texnologiyasining afzalliklarini sinash imkoniyati haqida ketmoqda. Birinchi 5G tarmog‘ining tijoriy qamrovi shu yili Tashkent City Xalqaro biznes markazida Ucell kompaniyasining mutaxassislari tomonidan joriy etiladi. Shundan keyin mobil tarmoqning beshinchi avlodi kundan kunga yanada ko‘proq hududni qamrab boradi hamda tez orada, HD sifatidagi bir soatlik filmni yuklab olish uchun sizga bir necha soniya kifoya bo‘ladi. Dunyo bo‘ylab 5G tatbiq etganligi haqida xabar bergan davlatlar soni oshib bormoqda. Endi esa ushbu xaritada O‘zbekiston ham bo‘ladi.