5А320401- kimyoviy texnologiya (ishlab chiqarish turlari bo’yicha) magistratura talabalari uchun

11-MAVZU: MAHSULOTLAR VA XIZMATLAR TIZIMINI SERTIFIKATSIYALASH
11.1. Tovarlarni sifat ko’rsatkichlarini belgilovchi me’yoriy hujjatlar.

11.2. Tovarlarni sertifikatlashtirish sohasida ISO ning faoliyati.

11.3. Standartlarning mahsulotlarni sifat ko’rsatgichlarini oshirishdagi roli.

11.4. Standartlarning ishlab chiqarishda mahsulotlarni sifatga ta’siri.

11.1. Tovarlarni sifat ko’rsatkichlarini belgilovchi me’yoriy hujjatlar.
Ishlab chiqarish korxonalarida ishlab chiqilayotgan turli xil mahsulotlar muayyan sifat ko’rsatkichlariga javob berishi kerak. Sifat ko’rsatkichlari esa ma’lum belgilangan talablarga muvofiq (mos) kelishi lozim. Muvofiqlik o’z navbatida ma’lum standartga yoki boshqa me’yoriy hujjatlarga mos kelishini talab qiladi. Muvofiqlikni sertifikatlashtirish mumkin. “Sertifikatlashtirish tushunchasi nima” -

deganda kerakli ishonshlilik bilan mahsulotning muayyan standartga yoki texnikaviy hujjatga muvofiqligini tasdiqlaydigan faoliyat tushuniladi.

Sertifikatlashtirish tushunchasi birinchi marta Xalqaro standartlashtirish tashkiloti kengashining sertifikatlashtirish masalalari bo’yicha maxsus qo’mitasi tomonidan ishlab chiqilib, uning Standartlashtirish sertifikatlashtirish va sinov labaratoriyalarining akkreditlash sohalaridagi asosiy atamalari va ularning qoidalari qo’llanmasiga kirgizilgan. Qayta ishlangan xalqaro standartlashtirish tashkilotining qo’llanmasida Sertifikatlashtirish atamasining faqatgina izohlari berilgan.

Sertifikatlashtirish umumiy atama bo’lib, mahsulot, texnologik jarayon va xizmatlarning sertifikatlashtirishda uchinchi tomonni qatnashishi tushuniladi.

Sifat tizimini baholash sohasidagi taraqqiyot sifat tizimini sertifikatlashtirish bo’yicha yangi tushuncha zaruriyatini tug’dirmoqda.