59-dars O‘quv yili oxirida takrorlash

59-dars
O‘quv yili oxirida takrorlash
O‘rmon shifokorlari haqida eshitganmisiz? O‘rmonning ham shifokori bo‘lar ekanmi, deb hayron bo‘layotgan bo‘lsangiz, bu matn aynan
siz uchun.
O‘rmondagi daraxtlarning tanasiga
turli zararkunanda hasharotlar joylashib
oladi. Ko‘pincha bunday zararkunandalar
daraxt po‘stlog‘i ostida bo‘lgani uchun
biz ularni ko‘ra olmaymiz. Zararkunandalar asta-sekinlik bilan daraxt tanasini yeb, unga ziyon yetkazadi. Bunday vaqtda daraxtlarga qizilishton yordamga keladi.
U mustahkam tumshug‘i yordamida hasharotlarni birma-bir tutib yeydi. Shu bois ham bu qushni “o‘rmon shifokori” deb atashadi. Qizilishtonni deyarli barchangiz ko‘rgan bo‘lsangiz kerak. Bu qushlar quyruq qismi qizil rangda bo‘lgani sabab qizilishton
nomini olgan. Daraxtlar quyuq o‘sadigan
joyda “taq…taq… taq…” degan tovushni
eshitib qolsangiz, bilingki, bu yerda
qizilishton bor. Butun dunyoda
ularning 220 dan ortiq turi mavjud.
O‘zbekistonda esa oqqanot qizilishtonning 2 turi yashaydi.
1
O‘rmondagi daraxtlarning tanasiga qanday hasharotlar joylashib oladi?
2
Zararkunandalar asta-sekinlik bilan daraxt tanasini yeb, unga ziyon yetkazadi. Bunday vaqtda daraxtlarga qaysi qush yordamga keladi?
3
Qizilishton mustahkam tumshug‘i yordamida hasharotlarni birma-bir tutib yeydi. Shu bois ham bu qushni qanday nom bilan atashadi?
“O‘rmon shifokori”
4
Bu qushlar nima uchun qizilishton nomini olgan?
Quyruq qismi qizil rangda bo‘lgani uchun.
5
Butun dunyoda uning qancha turi bor? O‘zbekistonda-chi?
Qizilishtonning
220 dan ortiq,
O‘zbekistonda esa
2 turi mavjud.
Bugungi dars haqida
oila a’zolaringiz bilan suhbatlashing