5 tashabbus yoshlarning ma’naviyatini yuksaltiradi

5 TASHABBUS YOSHLARNING MA’NAVIYATINI YUKSALTIRADI
O’zbekiston Respublikasi Prezidenti Shavkat Mirziyoyev tomonidan yoshlar ma’naviyatini yuksaltirish va ularning bo’sh vaqtini mazmunli tashkil etish bo’yicha ilgari surgan 5 ta muhim tashabbus doirasida Respublika miqyosida ochiq darslar, tadbirlar, badiiy kechalar, sport musobaqalari va festivallar o’tkazilmoqda. Jumladan Hazorasp tumani Pitnak shahridagi 7-sonli umumta’lim maktabida ham 5 ta muhim tashabbusning birinchi va beshinchi tashabbusi doirasida ,,Zulfiyaxonim hayoti va ijod yo’li” mavzusida ochiq dars va tadbir bo’lib o’tdi.
Ochiq darsni ona tili va adabiyot fani o’qituvchisi Shaydo Sapayeva turli interfaol metodlar, axborot texnologiyalari, multimedia vositalari va qiziqarli o’yinlar yordamida to’laqonli yoritib berdi. O’quvchilar dars davomida Zulfiya ijodiga mansub sherlardan namunalar keltirdilar va shoira hayoti va ijodi haqida to’laqonli bilimlarga ega bo’ldilar.




Shuningdek maktabda Zulfiyaxonim tavalludining 105 yilligiga bag’ishlangan tadbir ham tashkil etildi. Tadbirda tuman xalq ta’limi bo’limi xodimlari, maktabning pedagogik jamoasi, Pitnak shahridagi ona tili va adabiyot fani o’qituvchilari va o’quvchilar ishtirok etdilar. Tadbirda shoira hayoti va ijodidan sahna ko’rinishlari namoyish etildi, kitobxonlik burchaklari tashkil qilindi. Kitobxonlik burchagiga Zulfiya Isroilovaning she’riy to’plamlari qo’yildi. O’quvchilar shoira ijodiga mansub kitoblardan olib o’qidilar, bir-biri bilan fikr almashdilar, shoira ijodidan she’rlar o’qidilar. Shuningdek Zulfiyaxonim o’zbek sheriyatiga qo’shgan beqiyos hissasi, yoshlarni yuksak ma’naviyatli, teran tafakkurli insonlar etib tarbiyalashda juda muhim ekanligi aytib o’tildi.



5 tashabbus doirasida tashkil etilgan Zulfiyaxonim ijodi bilan bog’liq bo’lgan ochiq dars va tadbir barchaga birdek ma’qul keldi. Ushbu tadbir orqali barcha o’quvchilarning ma’naviy dunyoqarashi, sheriyatga bo’lgan qiziqishlari yanada oshdi.
Tadbir yakunida ochiq dars va badiiy kechani tashkillashtirgan Sh.Sapayevaga tuman xalq ta’limi bo’limi xodimlari va maktab rahbariyati tomonidan minnatdorchilik bildirildi va uning kelgusidagi ishlariga rivoj tiladilar.

Hazorasp tuman xalq ta’limi bo’limi

ona tili va adabiyot fani metodisti: Malika Xo’jayeva