5-sinf tarixdan hikoyalar

Baholash mezonlari. “ Ofarin “, “ Barakallo “, “Harakat qil” so’zlari yozilgan shakllar.

2. 
   Mavzu: Kirish “Tarixiy xotirasiz kelajak yo’q”.
   

Tarixiy xotirasiz kelajak yo‘q. Birinchi Prezidentimiz Islom Karimov tomonidan aytilgan bu hikmatli ibora Sizni Vatanimizning tarixini puxta egallashga da’vat etadi. Islom Karimov o'zining «Yuksak ma’naviyat - yengilmas kuch» nomli kitobida: «O'z tarixini bilmaydigan, kechagi kunini unutgan millatning kelajagi yo‘q», deb bejiz ta’kidlamaganlar.
Vatanimizning o‘tmishi buyuk bo'lgan. Bu buyuklik nimalardan iboratligini Siz tarix fanini o'rganishingiz orqali bosqichma-bosqich bilib olasiz. Zero, tarix o‘tmish haqidagi fandir.

Yodda tuting «Tarix» arabcha so‘z bo‘lib, «o’tmish»,«o’tgan voqealar haqida hikoya» degan ma’noni anglatadi. Shuningdek, yunon tilida «tadqiqot», «voqealar bayoni» ma’nolarini bildiradi.

Tarix - odamlar yer yuzida qachondan beri yashayotganligi, eng qadimgi zamonlardan to hozirgacha bosib o‘tgan hayot yo‘li, bugungi hayotni qanday qurganligi haqida ma’lumot beradi.

Tarixni o'rganish orqali ajdodlarimizning uzoq va yaqin o‘tmishda nima bilan mashg'ul bo‘lganliklarini, qanday hayot keehirganliklarini hamda qanday tarixiy voqealar yuz berganligini bilib olasiz.