5-sinf tarixdan hikoyalar

«Tarixdan hikoyalar» darsligi bilan ishlash. Qo‘lingizdagi «Tarixdan hikoyalar» darsligi Sizni tarixning sirli olamiga sayohatga yetaklaydi. Siz mavzulami o'rganishdan oldin uning sarlavhasini e’tibor berib o'qing.
«Yodda tuting» deb to‘g‘ri to'rtburchak ichida ajratib yozilganlarni yodda tutishga harakat qiling.
«Buni diqqat bilan o‘qing» topshirig‘i Sizni to‘g‘ri to‘rtburchak ichidagi matnni diqqat bilan o'qishga undaydi. O’qib chiqqach uning mazmuni haqida mulohaza yuriting.
«O’zingizni sinang» topshirig‘i Sizning darsda olgan bilimlaringizni mustahkamlashga xizmat qiladi.
Darslikdagi «Mustaqil ish» uchun berilgan topshiriqdan qanday maqsad ko'zlanilayotganligiga diqqatingizni qarating.
Mustaqil ish - sizning tarixdan olayotgan bilimingizning ko'zgusi ekanligini unutmang.
«Atamalar mazmunini bilib oling» topshirig‘i bekorga kiritilmaganligini alohida ta’kidlamoqchimiz. Chunki tarix fanining ham o'ziga yarasha atamalari bor. Ularni ishlatmaslik mumkin emas. Sizning vazifangiz atamaning nomini va mazmunini puxta bilib olishdir.
Darslikning «Savol va topshiriqlar» qismi Sizni uyda kelgusi darsga tayyorlanib kelishda nimalarga e’tibor berish kerakligiga da’vat etadi.
Qo‘lingizdagi darslik Sizdan keyin yana bir necha yil 5-sinf o‘quvchilariga xizmat qilishini ham unutmang. Shuning uchun darslikni avaylab tuting. Bu Sizning o‘quvchilik burchlaringizdan biri ekanligini doimo yodda tuting.

2.