5-mavzu. Ota-ona hamda voyaga yetmagan bolalarning shaxsiy nomulkiy huquq va majburiyatlari. Reja

Sud amaliyotidan

Da’vogar X.Begaliyev javobgar M.Yusupovaga nisbatan sudga da’vo ariza bilan murojaat qilib, 2008- yil 17- iyulda tug’ilgan o’g’li T.Begaliyevni o’zining tarbiyasiga olib berilishini so’ragan. Fuqarolik ishlari bo’yicha tumanlararo sudining hal qiluv qarori bilan da’voni qanoatlantirish rad qilingan. Sudda aniqlanishicha X.Begaliyev va marhuma N.Soipova 2007 yil 10 avgustda qonuniy nikohdan o’tib, turmush qurishgan, turmushlari davomida 2008yil 27 iyulda Toyir ismli farzandlari tug’ilgan. 2009 yil 9 sentyabrda N.Soipova kasallik tufayli vafot etgan. Voyaga yetmagan T.Begaliyev 2011 yilning mart oyiga qadar otasi-ish bo’yicha da’vogar X.Begaliyevning qaramog’ida bo’lgan. 2011 yil mart oyida marhuma N.Soipovaning onasi M.Yusupova voyaga yetmagan T.Begaliyevni uyiga olib ketgan. Yakkabog’ tuman vasiylik va homiylik komissiyasining xulosasida 2008 yil 27 iyulda tug’ilgan T.Begaliyev otasi X.Begaliyevning tarbiyasida qoldirilishi maqsadga muvofiq ekanligi ko’rsatilgan. Birinchi instansiya sudi ishni ko’rishda X.Begaliyev o’z bolasini tarbiyalashda boshqa barcha shaxslarga nisbatan ustun huquqqa ega ekanligi e’tiborga olinmaganligi sababli viloyat sudi apelyatsiya instansiyasining ajrimi bilan hal qiluv qarori bekor qilinib, da’voni qanoatlantirish haqidagi yangi hal qiluv qarori chiqarilgan(3-328-11-sonli ajrimdan ko’chirma). Izoh.Ushbu misol Oila va nikoh munosabatlaridan kelib chiquvchi nizolar bo’yicha sud amaliyoti(sud’yalar uchun amaliy qo’llanma)dan olingan. “Baktria Press” T., 2015