5-Mavzu: O‘qitish metodlari. Matematik tushunchalar haqida tasavvur hosil qilishda nazariy ma’lumotlarning o‘rni. Boshlang‘ich sinf matematikasi va matematika o‘qitishning bosqichlari orasidagi uzviyiik

Suhbat metodi o`quvchilarga, ota-onalarga qaratilgan bo`lishi ham mumkin, bu holda aytib o`tilgan ehtiyotkorlikning hojati yo`q, shu sababli bunda tadqiqotchining suhbatdoshlariga nisbatan munosabati ochiq oydin bo`lishi mumkin.
Biror masalaga nisbatan fikrlarni aniqlash, ba`zi faktlarni to`plash talab qilgan holda anketalashtirish metodidan foydalaniladi.Agar javoblar og`zaki olinadigan bo`lsa, u holda bu javoblar protokolga to`la yoziladi.Ko`pchilik bir savolning o`ziga javob berganda, buning ustiga har kim mustaqil javob bersa,yozma anketalash qimmatli bo`ladi.
Anketadan foydalanganda quyidagi ikki talabga amal qilish zarur: 1) anketada savollar kam bo`lishi kerak; 2) savollar shunday ifodalangan bo`lishi kerakki,ularni hamma bir xil tushunsin,ular aniq(mujmal bo`lmagan) javoblarni talab qilsin.
Ilmiy pedagogik tadqiqotlarda nazariy metodlar yetakchi ro`l o`ynaydi. Har bir tadqiqotda o`rganish ob`yektini tanlash, nazariy analiz asosida bu ob`yekt qaysi faktlarga bog`liqligini aniqlash va tekshirish uchun ulardan yetakchilarini tanlash kerak.Tadqiqotning maqsad va vazifalarini yaqqol aniqlash, uning nazariy asoslari va prinsiplarini ishlab chiqish,ishchi gipotezani tuzish kerak.Shunga mos ravishda tadqiqot o`tkazish metodikasini ishlab chiqish, tadqiqotning borishida olingan faktlarni tushuntirish va analiz qilish usullarini tanlash va xulosalarni ifodalash lozim.Bu ishlarning hammasini bajarish uchun tadqiq qilinayotgan masalaning ilgari va hozirgi vaqtdagi nazariyasi va praktikasini yorituvchi adabiy manbalarini o`rganish va analiz qilish kerak. Nazariy metodlar boshqa metodlar bilan bir qatorda matematika metodikasiga oid har bir tadqiqotda qo`llaniladi.Har qanday ilmiy problemani hal qilishda eng oldin qaralayotgan masalaga oid hamma adabiyotni o`rganish va nazariy tadqiqot o`tkazish o`tkazish kerak.Busiz u maqsadga yo`naltirilgan bo`lmaydi, sinash va xatolar yo`li bilan olib boriladi, shu bilan birga har doim ham qo`yilgan masalaning to`la hal qilinishiga olib kelavermaydi. Shu bilan birga adabiyotni o`rganmay turib va nazariy analiz qilmay turib, fanda izchillik ta`minlanmaydi.
Matematika metodikasiga doir tadqiqotlarda boshqa metodlardan ham foydalaniladi. Odatda bu metodlarning hammasidan birgalikda foydalaniladi, bu hol natijalarning ishonchli bo`lishini ta`minlaydi.
Kontrol savollar
1. Boshlang`ich matematika metodikasiningpredmeti nimadan iborat?
2. Matematika metodikasining pedagogika va psihologiya bilan aloqasi nimadan iborat? Bu aloqaning asosiy yo`llari qanday?
3. Matematika metodikasining boshlang`ich ta`limning boshqa metodikalari bilan aloqasini amalga oshirish uchun predmetlararo aloqalarning ahamiyatini ko`rsating.
4. Siz metodik fan foydalanadigan qanday tadqiqot metodlarini bilasiz? Ularning har birini xarakterlab bering.
5. Tadqiqotchi kichik yoshdagi o`quvchilarning matematika darsligidagi bilish faoliyatlarini aktivlashtiruvchi metod va usullarni o`rganadi. U buni oydinlashtirish uchun qanday metodlardan foydalanishi kerak?