5-Mavzu: Maxsus ta’lim tizimi reja

Fan asoslariga o’qitishning amaliy metodlari .Ko’rishida nuqsoni bo’lgan. o’quvchilarni fan asoslariga o’qitishning amaliy metodlari bilan ko’nikma va malakalarni shakllantirishda, o’quvchilarning mustaqilligini va bilish faolligini rivojlantirishda, ularni hayotga va mehnat faoliyatiga tayyorlashda hal qiluvchi rol oynaydi. Amaliy metodlardan barcha o’quv fanlarini o’zlashtirishda keng qo’llaniladi.

Mashqlar – o’qitishning muhim metodlaridan biridir. Bu metod ko’zi ojiz va zaif ko’ruvchi o’quvchilar maktabining barcha o’quv fanlarini o’qitishda keng qo’llaniladi. Mashqning metodikasi va xarakteri o’quv fanining xususiyatlariga, aniq materialiga va o’zlashtirilayotgan savolga bog’liq. Mashqlarni rejalashtirish asosida o’qituvchi sinf rejasini va har bir o’quvchining yakka xususiyatlarini inobatga olishi lozimdir.

Amaliy ishlar – o’quvchilarning bilimlarini chuqurashtirish va mustahkamlashga, bilimlarni amaliyotda qo’llash, nazariya bilan amaliyot o’rtasidagi aloqani o’rnata bilishga qaratilgan metoddir. Amaliy ishlar bir qator pedagogik vazifalarni bajarishga qodir. Maktab tajriba uchastkasidagi Amaliy ishlarni mustaqil holda bajarishga o’rgatish ko’rishida nuqsoni bo’lgan bolalar maktabidagi eng asosiy dolzarb muammolardan biri sanaladi. Bu metod korreksion – tarbiyaviy ahamiyatga egadir. Ko’r va zaif ko’ruvchi bolalar maktablarida o’quvchilarni atrof olam xususiyatlari, predmetlar xususiyatlari to’g’risida yaxlit tasavvurlarni shakllantirishida ushbu metodning ahamiyati kattadir. Ko’rishida nuqsoni bo’lgan bolalar ta’limida o’qitish metodlarini tanlashda quyidagi omilarga asoslanadi.