5-мавзу. Корхонанинг инновацион стратегияси ва инновацион салоҳияти. Режа

5.2. Корхонанинг инновацион салоҳиятини баҳолаш. Корхонада стратегик ва лойиҳалар бошқариш билан боғлиқлиги
Корхонанинг инновацион салоҳиятини баҳолаш қатор кўрсаткичлар ёрдамида амалга оширилади. Хусусан лицензияларни сотиш ҳажми, янгиликларни жорий этиш ҳажмида корхона илмий ишланмалари ҳажми, янгиликларнинг яратилиши ва унинг жорий этилиши даврининг ўртача вақти, янги техника ва технологияни жорий этиш натижасида корхонанинг тижорат мақсадига эришиш даражаси ва бошқалар.
Инновацион салоҳият кўрсаткичлари корхонанинг илмий-техник салоҳиятини билвосита ифодалайди. Чунки инновация тўғрисидаги қарор корхонанинг илмий-техник соҳасидан ташқарида қабул қилинади.
Дастлаб ушбу кўрсаткич корхонанинг ўз илмий ишланмаларини жорий этишдаги фаоллигини, қолаверса янгиликларни жорий этиш соҳасида инновацион фаолиятни ташкил этиш тизимини ва корхонада инновацион жараённи бошқаришнинг сифат даражасини кўрсатади.
Корхона илмий-техник салоҳиятининг ҳозирги ҳолати ва истиқболдаги ривожини таҳлил қилиш, илмий-техник муаммоларни аниқлаш ва илмий тадқиқот, тажриба конструкторлик ишлари бўлинмалари томонидан унинг ечимини топиш имконини беради. Корхонанинг инновацион ривожланиш стратегияси унинг кучли томонларини ҳисобга олган ҳолда ишлаб чиқилади. Мақсад корхонанинг ожиз томонларини бартараф этиш, кучли томонларини янада ривожлантириб муваффақиятларга эришиш ҳисобланади.
Корхонанинг инновацион фаоллигини ва рақобатбардошлигини, харажатлар, вақт, янгиланиш қобилияти таркибига қараб бир нечта гуруҳга бўлиш мумкин.
1-гурух. Харажат кўрсаткичлари:

• 
  илмий тадқиқот ва тажриба конструкторлик ишларининг сотилган маҳсулот қийматидаги улуши;
  
• 
  лицензия, ноу-хау, патент ва бошқаларни сотиб олиш учун сарф қилинган харажатларнинг улуши;
  
• 
  корхонанинг янгиликларни сотиб олишга сарфлаган харажатлари;
  
• 
  фондлар қиймати, жумладан “хавф-хатар”, ташшабус асосидаги ишланмалар.
  

2-гуруҳ. Динамик кўрсаткичлар:

• 
  янги технологияни ишлаб чиқиш даври (вақти);
  
• 
  янги технологияни жорий этишга тайёрлаш даври (вақти);
  
• 
  янги технологиянинг ҳаётий даври (жорий қилинган ва ишлаб чиқаришдан чиқиб кетгангача бўлган вақт).
  

3-гуруҳ. Янгиланиш кўрсаткичлари:

• 
  илмий ишланмалар сони, маҳсулот ва технологик янгиликларнинг жорий этилиши;
  
• 
  технология портфели таркибининг ўзгариш кўрсаткичи (2,3,5 ва ундан ортиқ йилларда жорий этилган технологиянинг улуши);
  
• 
  технология портфелининнг янгиланиш динамикаси кўрсаткичи (анъанавий технологияларнинг ўрнини эгаллаши);
  
• 
  сотиб олинган технологиялар сони;
  
• 
  янги инжиринг хизматини кўрсатиш ҳажми;
  
• 
  инновацион маҳсулотларни экспорт қилиш ҳажми.
  

Таркибий кўрсаткичлар:

• 
  илмий тадқиқот ва лойиҳа-конструкторлик бўлинмалари сони ва таркиби;
  
• 
  янги технологияларни жорий этишда ва янги маҳсулотларни яратишда банд бўлган қўшма корхоналар сони ва таркиби;
  
• 
  илмий тадқиқот ва тажриба конструкторлик ишларида банд бўлган ходимлар сони ва таркиби;
  
• 
  ташшабускор, вақтинчалик эксперт гуруҳлар, жамоалар, бригадалар ва бошқаларнинг сони ва таркиби.
  

Амалиётда илмий-тадқиқот ва тажриба конструкторлик ишларига сарф қилинган харажатларнинг сотилган маҳсулот қийматидаги улуши ҳамда илмий бўлинмалар сони кўпроқ қўлланилади.