5 Mavzu Boshqaruv serverini tanlash Reja

5 - Mavzu Boshqaruv serverini tanlash
Reja:

1. 
   Windows Server operatsion tizimi
   
2. 
   Windows Server operatsion tizimi xususiyatlari
   
3. 
   Serverning tuzilishi
   

Mahalliy tarmoqni funksional faoliyat ko‘rsatishi uchun domen tuzilmasidan foydalanish qaror qabul qilinganda, qator masalalarni qunt bilan ko‘rib chiqish zarur bo‘ladi. Sababi bu kabi tizimlarni faoliyatini tashkil etish murakkab bo‘lib, katta xarajatlarni talab etadi. Domen tuzilmasidagi tarmoq faoliyati deganda boshqaruv komp’yuterida o‘rnatilgan server operatsion tizimidan foydalanish tushuniladi. Bu nafaqat server komp’yuterini va operatsion tizimini to‘g‘ri tanlash, balki mos ravishdagi uning qo‘shimcha funksional vazifalarini ham aniqlash talab etiladi.

Windows Server operatsion tizimi. Ma’lumki, har bir komp’yuterning funksional imkoniyatlari unga o‘rnatilgan operatsion tizimga bog‘liq. Istalgan operatsion tizim komp’yuter resurslaridan foydalana oladi, ammo hamma operatsion tizimlar ham resurslarni to‘g‘ri yo‘naltirish, hamda bir vaqtni o‘zida bir nechta operatsion tizimlarni boshqarish imkoniyatiga ega emas. Shu sababli mijoz uchun va server mo‘ljallangan operatsion tizimlar mavjud.
Server operatsion tizimini tanlashda mahalliy tarmoq boshqapuvning imkoniyatlari va istiqbollari aniqlanadi.
Hozirgi kunda yetarlicha tajribaga ega server operatsion tizimlari ishlatilmoqda. Nima uchun Windows Server operatsion tizimi? degan savol tug‘iladi. Chunki bu operatsion tizim Microsoft tomonidan avval ishlab chiqarilgan operatsion tizimlarning barcha imkoniyatlarini o‘zida mujassamlashtirgan va mahalliy tarmoqning istalgan o‘lchamdagi faoliyatini boshqarishning zamonaviy usullarni taqdim etgan.
Quyida Windows Server operatsion tizimidan zaryadlanish uchun asos bo‘ladigan ba’zi xususiyatlari ko‘rsatilgan:

• 
  to‘liq 64-razryadli operatsion tizim (32-razryadligi mavjud emas) 32-razryadli ilovalarlar bilan ishlaydi. Shuningdek, 256 tagacha protsessorlar bilan parallel ishlay oladi va nisbatan samarali operativ xotirani boshqarish tizimiga ega;
  
• 
  Hyper-V virtuallashgan texnologiyasi virtual mashinalar bilan to‘liq ishlashni ta’minlaydi, Bu 64 tagacha protsessorlar bilan ishlaydi. Ushbu texnologiya yordamida bir serverda bir nechta virtuall serverlar faoliyatini tashkil etish, hamda ulardagi ma’lumotlarning tezkor ko‘chirishni ta’minlash mumkin;
  
• 
  Power Shell buyruq qatorini kengaytirish imkoniyati tarmoq boshqaruviga oid ba’zi hollarni atomatizatsiyalash imkonini ssenariy tuzish orqali amalga oshiradi;
  
• 
  Direct Access resurslariga masofadan murojaat etishning yangi usuli aloqa kanallari band bo‘lganda ham hujjatlarni boshqarish, istalgan ma’lumotlarga to‘liq murojaat etish imkoniyatini beradi;
  
• 
  bir operatsion tizimda maksimal katta hajmdagi xizmatlarni integrasiyalashganligi turli xizmatlarga mo‘ljallangan qo‘shimcha serverlardan foydalanmaslik imkonini beradi;
  

Yuqorida keltirilganlar boshqaruv tizimi Windows Server imkoniyatlarining ba’zilari bo‘lib, ammo asosiy afzalliklaridan biri server funksional vazifalarni bajarishi va tarmoqni boshqarish uchun har doim boshqaruvchi bo‘lishi talab etilmaydi.