5 Mashg’ulot mavzu: edogonium (oedogonium) va ulotriks

93-rasm. Ulotriks suvo‘tlari:

1-stigeoklonium (Stigeoclonium tenue); 2-ulotriks (Ulothrix zonata); 3-koeoxete (Coleochete scutata); 4-draparnaldiya (Draparnaldia glomerata); 5-edogonium (Oedogonium stellata);

6-pringsxeymislla (Pringsheimiella scutate).
Jinssiz ko‘payishda yashil hujayralarida 2 dan to 16 (32) tagacha ikki xivchinli zoospora hosil qiladi. Bu jarayon apikal hujayradan boshlanib tallom asosigacha davom etadi. Shilimshiq pardali zoosporalar hujayra devorining yon teshigidan chiqib ketadi. Harakatlanish davridan keyin zoosporalar to‘xtab, birin-ketin xivchinlarini tashlab substratga yoni bilan birikib yangi tallomni hosil qiladi.

Jinsiy ko‘payishda hujayralar ichida ikki xivchinli 8 (4)-34 (62) tacha gametalar hosil bo‘ladi. Gametalar hujayradan chiqqanda shilimshiq qobiqda o‘ralgan bo‘lib, shilimshiqdan harakatlanib ajraladi. Jinsiy jarayon izogamiya yo‘li bilan sodir bo‘ladi. Ikkita tallomning gametalari qo‘shilib (kopulyatsiya), harakatchan to‘rt xivchinli zigota hosil qiladi. Bir necha vaqt harakatlanishdan so‘ng, u substratga birikib yumaloqlashadi va xivchinlarini ichiga tortib oladi. Zigotadan bir hujayrali sporofit o‘sib chiqadi. Avvalo naysimon o‘simta hosil bo‘ladi. Keyin o‘simta tushib uchida noksimon sporofit hosil bo‘ladi. Sporofitning ichki qismi yetilganda 4-16 ta to‘rt xivchinli zoospora hosil bo‘ladi. Ular sporofitning devori teshikchasidan chiqib ketadi. Zoosporalar substratga o‘rnashib unib chiqadi.