5-Ma’ruza. Zamonaviy grafik tizimlaridan Adobe Photoshop grafik muharririda ishlash

5-Ma’ruza. Zamonaviy grafik tizimlaridan Adobe Photoshop grafik muharririda ishlash


Ma’ruza rejasi:


1. Kompyuter grafikasi dasturlari xaqida umumiy
mulohazalar.
2. Adobe Photoshop grafik muharriri
3. Adobe Photoshop grafik muharririning menyusi.
4. Tasvirlarni yaratish va ular ustida amallar.


Tayanch so`zlar va iboralar:


Rastrli grafika, vektorli grafika, muharrir menyusi, asboblar paneli paneli elementlari, tasvir o`lchami, ranglarni o`zgartirish va rang kamalagi, «fayl» bo`limi bandlari, «vid» (ko`rinish) bo`limi vazifasi, «risunok» (tasvir) menyusi, «effekti» menyusi, navigator, qatlamlar, tasvir formatlari.
1. Kompyuter grafikasi dasturlarini ikki guruhga ajratish mumkin:

1. 
   Vektorli grafika dasturlari: Adobe Illustrator, Corel Draw, Macromedia Flash. Ushbu dasturlarda rasmlar har xil chiziqlar va qiyshiq vektorlardan iborat bo`ladi.
   
2. 
   Rastrli grafika dasturlari. Bu dasturlarda yaratilgan rasmlar logotip, illyustratsiyalar va zastavkalar yaratishda foydalaniladi. Rastrli grafika dasturlariga Adobe Potoshop va Paint dasturlari kiradi. Ushbu dasturlarda rasmlar mayda kvadrat-pikselllardan iborat bo`lib, mozaika holatida rasmni hosil kiladi. Rastrli grafikadan raqamli fotosuratlar va skanerdan olingan rasmlar bilan ishlash uchun foydalaniladi.
   

Kompyuter grafikasida har bir dyumdagi pikselllar soni (ppi) asosiy shart bo`ladi. Pikselllar soni qancha ko`p bo`lsa, shuncha tasvir sifatliroq bo`ladi. Masalan, agar ppi=72 bo`lsa, u holda 1 kvadrat dyumga 5184 piksell joylashadi va uning hajmi 6 Kb ga teng bo`ladi. Agar ppi=144 bo`lsa u holda 1 kvadrat dyuymga 20736 piksell joylashadi va uning hajmi 21 Kb ga teng bo`ladi. Shu bilan birga monitorning ko`rsatish va printerning chiqarish sifati har bir dyumga to`gri keladigan (dpi, 72 yoki 96 dpi) bilan va chiziqlar soni esa lazer printerlari uchun (Lpi) 300-2400 gacha to`ђri keladi.
Adobe Photoshop redaktori professional grafik redaktorlarga kiradi. Dastlab bu redaktor rastrli grafika bilan ishlashga mo`ljallangan edi, ammo oxirgi versiyalarida rastrli va vektorli grafika bilan ishlash integratsiyasi ishlatila boshlandi. Adobe Photoshop ning instrumentlari CorelDraw yoki Adobe Illustrator larning yordamisiz juda keng miqyosdagi grafik ishlarni bajarishni ta’minlaydi.
2. Vektorli formatlarda ishlashi

Adobe Photoshop vektorli forma va matnlarni yaratish va chop qilishning vositalariga ega. Bu vositalardan foydalanib vektorli rasmlarni va shriftlarni rastrli rasmlar bilan birlashtirish, ularga ulash va juda chiroyli dizayn tasvirlar hosil qilish imkoniyati yaratiladi. Uning yangi instrumentlari masalan, «to`g`ri to`rtburchak», «burchaklari yoy bilan almashtirilgan to`g`ri to`rtburchak», «ellips», «ko`pburchak» va «chiziq») juda ko`p vektorli formalarni yaratish imkoniyatini beradi.

Bu instrumentlar nafaqat maxsus ob’ektlar, balki butun qatlamlarni yaratish uchun ham ishlatiladi. Shuningdek, Adobe Illustrator kabi, Photoshop (7.0 va 8.0 versiyalari) vektorli ob’ektlar bilan manipulyatsiya qilishni ta’minlaydi: qo`shish (Add), ayirish (Subtract), cheklash (Restrict) va invertirlash (Invert). Bu amallar tezlikda vektorli ob’ektlarni murakkab ob’ektlarga birlashtirish imkoniyatini yaratadi.

Matnlar bilan ishlash
Photoshop 7.0 va 8.0 versiyalari sifatli matnli elementlar yaratish va ularni sifatli formatlash ishlarini amalga oshirish uchun yangi juda ko`p instrumentlar terilmasiga egadirlar. Masalan, deformatsiya qilishning yangi opsiyalaridan foydalanib shriftlarni burash va cho`zish mumkin. Shu holda ham shriftlar tahrirlanuvchi holatlarda qolaverishadi. Vektorli matnlarni bevosita chop qilish yoki ulardan PDF-fayllar yaratish mumkin.
PDF formatiga chiqarish opsiyalari
Kompaniya Adobe kompaniyasi o`z mahsulotlari integratsiyasini davom ettirib, Photoshop da yanada Adobe Portable Document Format (PDF) formati ishlatilishi yaxshilandi.
Qatlamlar stili
Photoshop 8.0 da qatlamlarda maxsus effektlar yaratish uchun intiutiv interfeys yaratilgan. Maxsus qatlamlar uchun effektlar tanlash bo`limii kiritilgan.
Tasvirlarni deformatsiya qilish
Photoshop dagi Liquify buyrug`i bilan tasvirni deformatsiya qilish mumkin. Masalan, interaktiv cho`zish, burash, qisish, sohaning ba’zi qismlarini kichraytirish va kengaytirish hisobiga tasvirlarni deformatsiyalash mumkin.
Photoshop8.0 ning Adobe Image Ready dasturi bilan integrallashuvi
Adobe Photoshop 8.0 da Adobe Image Ready dasturi bilan integrallashuvi natijasida Web uchun o`z instumentlari kengaytirilgan. Grafika yaratish uchun vektorli vositalar bilan integrallashuv va yangi «Qatlam uchun stil» tushunchasi kiritilishi bilan Web uchun juda real tasvirlar yaratish imkoniyati yaratilgan. ImageReady dasturi Web uchun animatsiyalar yaratish va har xil grafik effektlar yaratish uchun xizmat qiladi.