5 i-bob. Kiritish-chiqarish qurilmalari

Glide Point

Track Pointning paydo bo‘lishiga javoban ba’zi kompaniyalar pozitsiyalash qurilmalari konstruksiyalarining o‘z variantlarini taklif etishdi. Masalan, Alps Electric firmasi Glide Point deb nomlangan ko‘rsatish qurilmasini taqdim etdi. Bu qurilma ba’zi ofis va mexmonxonalarda o‘rnatiladigan liftlarning boshqaruv tugmalari sifatida foydalaniladigan sig‘imli datchiklar ishlaydigan tamoyil bo‘yicha ishlaydi. Glide Point klavishlar orasiga emas, balki probel (bo‘sh joy) klavishi ostiga o‘rnatiladi va barmoqning planshetga beradigan bosimini o‘lchaydi. Planshet ostidagi datchik barmoq harakatini ekrandagi ko‘rsatkich harakatiga aylantiradi. Portativ kompyuterlar ishlab chiqaruvchi bir necha firmalar, Alps firmasidan bu qurilma uchun litsenziya olib, o‘z tizimlarini u bilan jihozlamoqda. Portativ tizimlar uchun yangi Track Point va Glide Point qurilmalar bir vaqtda ommaviylashgan Trackball va sichqonchaniorqada qoldirdi. Yetarlicha keng qo‘llanilishiga qaramasdan, bu texnologiya bir qator kamchiliklarga ega. Qurilmani boshqarish terining qarshiligi va undagi mavjud namlikka, shuningdek, barmoqlaringiz sezgirligi va harakatchanligiga bog‘liq. Biroq eng katta kamchilik shuki, sensor datchik bilan ishlaganda qo‘lni klavishdan olish lozimki, bu esa ishni ancha sekinlashtiradi .