5-Amaliy mashg’ulot. Ta’lim tarbiya ishlari gigienasi

5-Amaliy mashg’ulot.

Ta’lim tarbiya ishlari gigienasi
Ta’lim-tarbiya gigienasi. Darsni gigienik tomondan baholash.

Ishdan maqsad: Talabalarda darsni gigienik baxolashga nisbatan kunikmalarni shakllantirish.

Nazariy tushuncha. Student bir darsni gigienik tomondan baholaydi. (bunga shu bir darsni oldingi va keyingi tanaffuslar ham kiradi).

1. Bu dars qaysi smenada, haftaning qaysi kunida bo‘ldi va jadval bo‘yicha nechanchi o‘rinda turadi. Bu dars qanday darsdan keyin bo‘ldi va bundan keyin qanday dars bo‘ladi. Biriktirilgan sinfdagi haftalik dars jadvalini gigienik tomondan baholang.

2. Sinfning shu kuzatiladigan darsga gigienik jihatdan tayyorlanishi:

a) Sinf yoki boshqa mashg‘ulot xonasi dars boshlangunga qadar yoki butun tanaffus davomida shamollatiladimi?

b) Sinfni shamollatilayotgan vaktda hamma o‘quvchilar tashqariga chiqadimi, bu masalalarga o‘qituvchi e’tibor beradimi?

v) Doska artilganmi, doskada ho‘llangan latta tayyormi?

3. Talaba dars vaqtida 4-6 o‘quvchini kuzatib, qo‘yidagi momentlarga e’tibor beradi:

a) o‘quvchilarning partada o‘tirgan vaqtdagi gavda holatlari: to‘g‘ri o‘tiribdimi yoki noto‘g‘ri o‘tiribdimi, zo‘rlab o‘tiribdimi yoki erkin o‘tiribdimi. O‘quvchi gavda holatining buzilishiga nimalar sababchi parta uning bo‘yiga muvofiq emasmi, o‘quvchi haddan tashqari harakatchanmi, yonidagi sherigi yoki quyosh nurlari xalaqit beryaptimi va hokazo. O‘qituvchi o‘quvchilarning gavda holatlarini nazorat qilib turadimi, o‘quvchi o‘tirganda yoki doskaga chiqib javob berayotganda uning gavda holati, qomatini kuzatib turadimi?

b) Ayrim o‘quvchilarning ish qobiliyati dars boshlanishidan qancha vaqtdan keyin pasaya boradi charchashning boshlanishini o‘quvchilar gavda holatlariniig o‘zgarishiga, haddan tashqari harakatchanligiga, diqqatning tarqalishiga, dars materialidan chalg‘ishiga qarab bilish mumkin.

v) O‘quvchilarning ish qobiliyati pasayishiga o‘qituvchi qanday qaraydi. O‘qituvchi qanday choralar bilan o‘quvchilar diqqatini tiklashga harakat qiladi?

g) O‘qituvchi darsni qanday olib boradi: o‘giribmi, bir joyda turibmi, yoki sinfda u yoqdan bu yoqqa yuribmi. O‘quvchilarning idrok sifatlarini yaxshilash uchun o‘qituvchi darsda qanday ko‘rsatmali qurollar, rasmlar, tablitsalar, o‘quv asboblaridan, sinf doskasidan va yangi pedagogik texnologiyalardan (foydalanadi?) dars va tanaffus vaqtlarida sinfda va koridorlarda havo rejimi qanday ta’minlanadi. Dars vaqtida koridor va sinflardagi fortochkalar ochiladimi?

e) fizkultminutlar darsning qaysi qismida va qanday tartibda o‘tkaziladi. Dars davomida sinfda tinchlikka rioya qilinadimi? O‘qituvchi qanday metodlar bilan sinfni tartibga soladi?