5- мавзу. ИҚтисодиётнинг реал секторида хавфсизликни таъминлаш. ИҚтисодиётни инновацион ривожланиш йўлига ўтишидаги хавфсизлик шартлари

Инновацион иқтисодиётга ўтиш йўлида Ўзбекистонда қуйидаги муаммолар сақланиб қолмоқда:
-республикадаги инновацион фаолият субъектлари (Фанлар академияси, илмий-текшириш институтлари, таълим, олий таълим муассасалари, илмий ишлаб чиқариш марказлари ва бошқалар)нинг инновацион иқтисодиётни шакллантиришдаги ҳаракатларининг сустлиги, замон талабига жавоб бермаслиги;
-инновацион иқтисодиётга ўтишда талаб этиладиган инфратузилманинг ҳудудлар кесимида номутаносиб, нотекис ривожланганлиги;
-республикада фан-техника тараққиёти соҳасида эришилган илмий натижалар, янгиликлар, ихтиролар, техника ва технологияларни иқтисодий амалиётга татбиқ этишнинг самарали механизмини ҳанузгача яратилмаган ;
-миллий иқтисодиётни инновацион ривожланиш релсига ўтказишнинг стратегик режаси, дастурининг ишлаб чиқилмаганлиги ҳамда хўжалик амалиётида истиқболли прогнозлаш, режалаштириш, моделлаштириш ва дастурлаш усулларининг қўлланилмаётганлиги;
-инновацион лойиҳаларни молиялаштиришга кам маблағнинг ажратилиши, моддий, илмий-техникавий базанинг заифлиги ва ишлаб чиқариш қувватларининг етишмаслиги;
-ходимлар томонидан ишлаб чиқариш жараёнида бўлаётган янгиликлар ва ўзгаришларга қаршилик кўрсатиш ҳолатининг мавжудлиги.


Инновацион иқтисодиётга ўтиш учун қуйидагиларни амалга ошириш лозим:
1.Хавфсиз, ишончли инвестиция жараёнларини амалга ошириш стратегияси ва методологиясини асослаш.
2.Хавфсиз инвестицион сиёсат механизми илмҳажмкор маҳсулотларни ишлаб чиқаришни кенгайтириш учун иқтисодиётнинг институционал тузилмаларини такомиллаштиришнинг устуворликларига йўналтирилиши керак.
3.Инвестицияларнинг барқарор ва ишончли манбаларини шакллантириш механизмини яратиш мақсадга мувофиқдир.
4.Инвестицион хавфсизликни рағбатлантирувчи солиқ-бюджет, пул-кредит тизимини шакллантириш.
5. ижтимоий йўналтирилган инвестицион сиёсатни амалга ошириш.
Давлатнинг инновацион сиёсати инновацион фаолиятни қўллаб-қувватлаш ва рағбатлантириши учун қуйидагиларни амалга ошириш лозим:
1)инновацион ривожланиш фондлари учун имтиёзларни кенгайтириш;
2)илмий-амалий лойиҳалар, ишланмаларга, илмий тадқиқот ишларига имтиёзларни кенгайтириш;
3)инновацион инфратузилмаларни, инновациялар ва илмий ютуқлар бозорини ривожлантириш;
4)кадрлар тайёрлаш ва малакасини оширишни давлат томонидан рағбатлантириш;
5)миллий фан хавфсизлигини таъминлаш ва илмий ғоя ва интеллектуал салоҳиятни давлат томонидан ҳимоя қилишни кучайтириш.