44 – umumiy o`rta ta`lim maktabi direktorining buyrug'i maktab o`quvchilarining bosqichli hamda yakuniy nazorat imtixonlarini tashkil etish va o`tkazish to`g`risida

44 – umumiy o`rta ta`lim maktabi direktorining

BUYRUG'I

Maktab o`quvchilarining bosqichli hamda yakuniy nazorat imtixonlarini tashkil etish va o`tkazish to`g`risida

Xalq ta`limi vazirligining 2021- yil 3- martdagi 55- sonli buyrug`i, Namangan viloyati xalq ta`limi boshqarmasi boshlig`ining 2021- yil 4- martdagi 16- sonli hamda Norin tuman xalq ta`limi bo`limining 2021- yil 9 – martdagi 65- sonli buyruqlari ijrosini ta`minlash maqsadida buyuraman:

1.Xalq ta`limi vazirligining 2021- yil 3- martdagi 55- sonli buyrug`i, Namangan viloyati xalq ta`limi boshqarmasi boshlig`ining 2021- yil 4- martdagi 16- sonli hamda Norin tuman xalq ta`limi bo`limining 2021- yil 9 – martdagi 65- sonli buyruqlari rahbarlik va ijro uchun qabul qilinsin.

2. Maktabda o`quv mashg`ulotlari 2021- yil 25- mayda tugallanishi belgilab qo`yilsin.

3. Maktab o`quvchilarining davlat ta`lim standarti asosida egallashi lozim bo`lgan malaka talablariga muvofiq bilimlarini sinovdan o`tkazish uchun 5,8 va 10- sinflar uchun og`zaki, yozma imtihon yoki test sinovlari shaklida dosqichli (sinfdan – sinfga ko`chirish) nazorat, 9 va 11- sinflar uchun esa davlat attestatsiyasi shaklida yakuniy (bitirish) nazorat imtihonlari ilovaga muvofiq belgilangan fanlardan tashkil etilsin.

4.Maktabning 9 va 11- sinf o`quvchilarining yakuniy nazorat imtihonlari 2021- yil 27- maydan 15- iyungacha amalga oshirilsin. (Jismoniy tarbiya bundan mustasno).

5.Maktabning 9- sinf o`quvchilari uchun “Jismoniy tarbiya” fanidan yakuniy nazorat imtihonlari 2021- yil 1-8- may kunlari malakali tibbiyot xodimlarining nazorati ostida o`tkazilsin.

6. Maktabning o`quv ishlari bo`yicha direktor o`rinbosari U.Ismanovga:

- maktab o`quvchilarining bosqichli (sinfdan – sinfga ko`chirish) va yakuniy (bitirish) nazorat imtihonlariga puxta tayyorgarlik ko`rishlari uchun sharoitlar yaratish;

- bosqichli va yakuniy nazorat imtihonlarini o`z muddatlarida o`tkazilishini nazoratga olish;

- bosqichli va yakuniy nazorat imtihonlarining natijalari, ularni o`tkazish yuzasidan taklif va mulohazalarni umumlashtirib, 2021- yilning 20- iyuniga qadar tuman xalq ta`limi bo`limi Maktablar bo`limi (G.Davronova)ga taqdim etish;

- maktabda 2020-2021 o`quv yilini yakunlash, bitiruv sinflarida yakuniy davlat attestatsiyasi natijalari bo`yicha tahliliy ma`lumotlarni 2021- yil 15-iyulgacha tuman xalq ta`limi bo`limi Maktablar bo`limi (G.Davronova)ga taqdim etish vazifalari yuklatilsin.

7. Ushbu buyruq ijrosini nazorat qilishni o`z zimmamda qoldiraman.