430 mln soʻm boshlangʻich kapitali 235 kun ichida 435 mln soʻm miqdoriga yetadigan oddiy foiz stavkasini aniqlang

Masala №1
430 mln soʻm boshlangʻich kapitali 235 kun ichida 435 mln soʻm miqdoriga yetadigan oddiy foiz stavkasini aniqlang.
Masala №2
Bank yil davomida kredit berishning quyidagi shartlarini eʼlon qildi: birinchi chorak uchun kredit foiz stavkasi 21 %, keyingi har chorakda esa kredit boʻyicha foiz stavkasi 2 % ga oshadi. Agar kredit summasi 710 mln soʻm va kredit mudati 1 yil boʻlsa, oddiy foizlarda bir yildan soʻng qaytariladigan summani aniqlang.
Masala №3
Korxona besh yil ichida uskunalarni yangilashni rejalashtirmoqda. Taxmin qilinayotgan investitsiya xarajatlari 3605 ming soʻmni tashkil etadi. Zarur miqdordagi mablagʻlarni jamlash maqsadida kompaniya har yili oʻz ixtiyorida qolgan foydadan bankning depozit schyotiga pul mablagʻlarini oʻtkazib boradi.
Agar bank omonatlari boʻyicha yillik stavka 24 % (chorakda bir marta oʻtkazish va foizlar ham har chorakda hisoblanadi), yillik 28 % (yilda bir marta oʻtkazish va foizlar ham yilda bir marta hisoblanadi) boʻlsa, investitsiya xarajatlari uchun yillik ajratmalar miqdorini aniqlang.

Masala №4

Omonatlar boʻyicha foizlar har chorakda 16 % yillik stavka boʻyicha hisoblanadi. 4,5 yil ichida 8470 ming soʻm toʻplash uchun depozit miqdorini aniqlang.

Masala №5

Tijorat tashkiloti besh yillik muddatga 3595 ming soʻm miqdoridagi naqd pul mablagʻlarini investitsiya qilishga qaror qildi. Depozitga qoʻyishning uch muqobil varianti mavjud. Birinchi variantga koʻra, 23 % stavka boʻyicha foizlar har yarim yilda hisoblanadi. Ikkinchi variantga koʻra, 22 % stavka boʻyicha foizlar har chorakda hisoblanadi. Uchinchi variantga koʻra, mablagʻlar yillik 21 % stavka boʻyicha foizlar har oyda hisoblanadi.
Pul mablagʻlarini investitsiyalashning uchun eng yaxshi variantni aniqlang.