4-Mavzu: Darsning mavzusi

Darsning rejasi:

1. 
   Konstruktsiyalarning namlanish turlari va ularning oqibatlari.
   
2. 
   Xonalarning nisbiy xavo namligi bo’yicha turkumlari.
   
3. 
   Binolarning vaqtidan oldin yemirilishi va uni oldini olish.
   

1. Qurilish konstruktsiyalarini yemirilishiga olib boruvchi eng ko’p tarqalgan va sezilarli ta’sir qiluvchi omil namlanishidir. Ekspluatatsiya qilinayotgan davrda binolarning birinchi qavat devorlari ko’proq namlanadi. Buni asosan grunt suvining ko’tarilishi, gidroizolyatsiya qatlamining shikastlanishini keltirib chiqaradi. Namlanish konstruktsiyalarida fizik va ximiyaviy jarayonlarni rivojlanishiga olib kelib, shu bilan bir qatorda xonalardagi temperatura- namlik rejimini buzilishiga olib keladi.

Konstruktsiyalarning namligini boshqa asboblar ham, xususan, devorlarning qalinligi yetarli bo’lmay qolgan, devor ashyosining haqiqiy zichligi hisobiy qiymatdan oshib ketgan, kun davomida havo haroratining keskin o’zgarishi ro’y bergan, havo namligi yuqori bo’lgan hollar keltirib chiqarishi mumkin.

Xonalarda havo namligining yuqori bo’lishi turli mikroorganizmlarning rivojlanishiga sharoit yaratadi, xonalardagi namlik tufayli vujudga keluvchi qo’ziqorin va mug’orlar devor va qurilmalarni tez shikastlanishiga va sanitar gigienik sharoitni buzulishiga olib boruvchi noxush hidlar tarqaladi. Bu erda mavjud bo’lgan metall konstruktsiya va buyumlarda zanglash ro’y beradi.

Namlik – harorat rejimi me’yoriy bo’lgan binolarda quruq g’isht devorlarning 2% ga yaqin og’irliq hisobidagi namlikka ega bo’lishlari mumkin. Agar bu ko’rsatkich 6% va undan ortiq bo’lsa (hammonlar, ayrim sanoat binolari) bunday xonalar odamlarning uzoq vaqt bo’lishi uchun yaroqsiz xisoblanadi.