19-rasm, a. Yeng o’mizi chizig’i yonida taxlanmali ko’krak qismi
20-rasm, b. Ko’krakusti vitochkani yeng o’mizi chizig’i oldida taxlanma bilan almashtirish a – old bo’lakka taxlanma chizig’ini solish; b – tayyor andaza
Taxlanma tomoni yong o’mizidan 1-2 sm masofada yoki yeng o’mizi chizig’idan o’tishi mumkin. Bu holda andazada yeng o’mizi bo’yicha chok uchun qo’yim qo’shiladi va yengni ulashni ko’zda tutilgan choki bo’yicha kesish bajariladi.
Eng o’mizi oldidagi taxlanmalar odatda to’g’ri erkin shakldagi mahsulotlarda bajariladi. Ko’ylak belda kesilgan chiziqli bo’lsa, ko’krak qismi yelka kesiki bo’yicha burmalar yoki yumshoq taxlanmalarni joylashtirish mumkin.
Old bo’lak o’rta chizig’iga ko’krak qismi vitochkalarini o’tkazish. Asos ko’krak qismida vitochkaning kerakli yo’nalishi belgilanadi. Buning uchun ko’krak chizig’idan 1-2 sm pastda joylashgan nuqtadan old qism o’rta chizig’iga qarab burchak ostida to’g’ri chiziq o’tkaziladi. Ko’krakusti va bel vitochkalari markazi birlashtiriladi. Belgilangan chiziqlar bo’yicha ko’krak qismi asos vitoyakalarni qo’shib va ignaga bilan ulab kesiladi. Hosil bo’lgan vitochka ochilishi bel chizig’i tomonga yotqiziladi va shu ko’rinishda old bo’lak o’rta chizig’i tekislanadi.
Ko’krak qismining bunday bichimi yo’l-yo’l gazlamalardan mahsulot bajarilishi uchun qiziqarli. Old bo’lak o’rta chizig’i gazlamada bo’ylama ip bo’ylab (demak, yo’l bo’ylab) yotqiziladi. Vitochka tikilgach, yo’l mahsulotda burchak ostida, ko’krak qismi old bo’lagi o’rta chizig’i bo’ylab «archacha bo’lib» birikib vitochka chizig’i bo’ylab yotadi.
21-rasm, a. Old bo’lak chiziq vitochkali ko’krak qismi
22-rasm, b. Old bo’lak o’rta chizig’iga ko’krak qismi vitochkalarining o’tkazilishi: a – vitochka chizig’ini solish; b – tayyor andaza Vitochka burchak yo’nalishi ko’krak bezlari kattaligi va bel o’lchamiga (St) bog’liq. Shuning uchun ko’krak qismi andazasini ishlab chiqishda vitochka yo’nalishini figuraga yo’llar bilan belgilangan gazlama yoki qog’oz andazani ignachalar bilan ulab mulyaj yo’li bilan izlash mumkin.
Ko’krakusti vitochkani yeng o’mizidan kesikka o’tkazish. Asos andazasida yeng o’mizining 13 balandlik darajasida kesik chizig’i belgilanadi. Kesik uzunligi yoqa o’mizi kengligigacha 1 sm ga yetib bormasligi kerak. Old bo’lak belgilangan chiziq bo’yicha kesiladi va kesik chizig’idan yuqoriroq ko’krakusti vitochka yopiladi, shundan keyin yeng o’mizi tomonidan vitochka ochiladi va kesik pastki kesilishi burmalar hosil qilish uchun uzunlashtiriladi.