4-ma’ruza yelka qismini va yeng o’mizini modellash Reja

33-rasm, a. Yelka kesiki yuqori nuqtasidan ko’krak markaziga qarab kesilishli ko’krak qismi
34-rasm, b. Yelka kesiki yuqori nuqtasidan ko’krak markaziga qarab kesilishli ko’krak qismi ishlanmasi

Kesik chizig’ini biroz oval chiziq bilan ham belgilash mumkin. Burmalanish kattaligi shaxsiy didga demakki, belgilangan chiziqlar bo’yicha old bo’lak o’rta qismi surilish kattaligiga bog’liq.

Bu bichimni ipak, baxmal trikotaj polotnodan ayollarga xos dabdabali ko’ylaklar uchun taklif etish mumkin. Ko’ylakning butun bichimi gavdaga yopishib turuvchi shaklda bo’lsa kesik oldida burmalanish ifodaliroq ko’rinadi, demakki, u bel chizig’i aks etilgan proportsional figurani ko’zda tutadi.
Yoqa o’mizi ochiq o’yilishda taxlamali ko’krak qismi. Andaza tikib ulanuvchi yengli ko’krak qismi baza asosida ishlanadi.

35-rasm, a. Yoqa o’mizi ochiq o’yilishida taxlamali ko’krak qismi

36-rasm, b. Yoqa o’mizi ochiq o’yilishida taxlamali ko’krak qismi ishlanmasi: a – yoqa o’miziga taxlanma chiziqlarini solish; b – tayyor andaza

Old bo’lak o’rta chizig’i bo’ylab pastga 8-10 sm ga teng bo’lak qo’yiladi. Topilgan nuqtadan 6-7 sm ga teng bo’lak qo’yiladigan perpendikulyar tiklanadi. Yoqa o’mizi va kesik chizig’ini aniqlash uchun yelka kesiki yuqori nuqtasini qo’yilgan bo’lak oxiridagi nuqta orqali ko’krak chizig’i silliq chiziq bilan birlashtiriladi. Kesikning belgilangan chiziqlari bo’yicha old bo’lak yoqa o’mizi o’yilishi shaklini aniqlab kesiladi.

Ko’krak qismi ko’krak usti vitochkasi yopiladi, buning natijasida yoqa o’mizi burchagida katta bo’lmagan vitochka ochiladi, u tikiladi va yeng o’mizi tomoniga dazmollanadi. Yoqa o’mizi kesiklari vitochkani tikkuncha ag’darma chok bilan ishlov beriladi.
Andazadan ipak va paxtali gazlamalardan mahsulot tayyorlashda foydalanish mumkin. Ikkinchi holda ko’krak qismi yengsiz bo’lishi mumkin.
Ko’krak qismini applikatsiya usulidagi kashta bilan bezatib, uni yelka kesiki oldida asimmetrik joylashtirish yoki dekorativ gullar dastasi bilan bezatish mumkin.