4-ma’ruza. Mikroorganizmlardan olinadigan antibiotiklar va ularni biotexnologik usullar bilan ishlab chiqarish samaradorligini oshirish

Zamburug‘lar sintez qiladigan antibiotiklar
Mitselial zamburug‘lar nisbatan ko‘p miqdorda antibiotik modda xosil qiladi. Eng katta qiziqish uyg‘otadiganlari: penitsillinlar, sefolosporinlar, grizeofulvin, trixotetsin, fumagillin va ayrim boshqa zamburug‘larni xayot faoliyatidagi maxsulotlar, tibbiyotshunoslikda va qishloq xo‘jaligida keng qo‘llaniladi.
Antibiotiklar sintez qiluvchi zamburug‘lardan eng ko‘p ishlatiladigani Penicillium chrysogeum dir. Bu zamburug‘ o‘zining xayot faoliyatida penitsillinni turli xil shakllarini xosil qiladi. Zamonaviy mikrobiologiya fanining rivojlanib borishi, yuqori faollikka ega bo‘lgan zamburug‘larning yangi-yangi turlarini topishga imkon yaratdi.
Sanoat sharoitida antibiotiklar olish texnologiyasi
Antibiotiklarni tibbiyotda, qishloq xo‘jaligida va xalq xo‘jaligining boshqa soxalarida keng qo‘llanilishi, bu biologik faol moddalarni katta xajmda ishlab chiqarish vazifasini qo‘ydi. Bu ulkan vazifa katta quvvatga ega bo‘lgan antibiotika sanoatini yaratish orqali echildi.
Antibiotiklarni sanoat asosida ishlab chiqarishda bir qancha ketma-ket bosqichlar yotadi:

• 
  yuqori mahsuldor shtamm-produtsent yaratish,
  
• 
  antibiotik hosil qiluvchi shtammni eng ko‘p miqdorda maxsulot chiqarishi uchun mo‘tadil sharoit yaratish,
  
• 
  antibiotiklarni ajratish va tozalashni muvofiqlashtirilgan usulini tanlash va amaliyotga qo‘llash,
  
• 
  tayyor preparatni yaratish va uning sifatini nazorat qilish.