4-laboratoriya mashg’uloti. (Viii-semestr) Mavzu: Ta’lim jarayonini loyihalashtirishning dolzarbligi. Loyiha texnologiyasi

Loyihani bajarish, amalga oshirish bosqichi. Bu bevosita o‘quv faoliyati-dars jarayoni bo‘lib, o‘qituvchi tomonidan tayyorlangan loyihani dars bosqichlariga mos, dars ishlanmasi va texnologik xaritadagidek amalga oshiriladi. Bu o‘rinda xatoga yo‘l qo‘ymaslik muhim, aynan shu bosqichda talabalarda bilimlar, ko‘nikma va malakalar va shakllantiriladi.Bu bosqich o‘qituvchi va o‘quvchilarning birgalikdagi harakati, o‘zaro ta’siri bo‘lib, yuqoridagi loyiha (dars ishlanmasi, texnologik xaritaga mos)ga mos 80 minutlik dars olib boriladi.
• Yakunlovchi bosqich. O‘qituvchi olib borilgan darsni tahlil qilinadi.
Olingan natijalar kutilgan natijalar bilan solishtiriladi, sifat ko‘rsatkichlarini aniqlanadi, ya’ni talabalarning o‘zlashtirish darajalari tahlil qilinadi. Talabalarning egallagan bilim, ko‘nikma va malakalari bilan Davlat ta’lim standartida ko‘rsatilgan, minimal bilim, ko‘nikma va malakalar solishtiriladi. Loyihani amalga oshirish jarayoni va natijalari tahlil qilinadi, loyihalash natijalarini amaliyotga qo‘llash imkoniyatlarini o‘rganiladi. Loyihadan ko‘zlangan maqsadga erishganlik darajasini baholanadi, va umuman, loyihaning samaradorligi tahlil qilinadi.
• Xulosa va tavsiyalar berish bosqichi. Bu muhim bosqich, bunda yaratilgan loyihaning oxirgi bosqichidagi natijalar asosida umumlashtiriladi, Xulosalar chiqariladi. Loyiha bajarilishi jarayonida yo‘l qo‘yilgan kamchiliklar, qo‘llanilgan metodlar, pedagogik va axborot texnologiyalarining samaradorligi hisobga olinib, tavsiyalar beriladi.
O‘quv jarayoni jonli jarayon bo‘lganligi sababli har doim ham tuzilgan loyiha 100% amalga oshmay qolishi mumkin. Bunda tanlangan pedagogik texnologiya yoki metod yaxshi samara bermasligi, aqliy hujumdagi savollar tartibi, qisman mazmuni o‘zgarishi ro‘y berishi mumkin. O‘qituvchi barchasini hisobga olib, kerakli xulosalar qiladi, keyingi dars jarayonida ularni takrorlamaslik uchun loyihaga o‘zgarishlar kiritadi, mazmunga mos boshqa metodlarni, pedagogik texnologiyalarni qo‘llash uchun tavsiyalar beradi.
Informatika o‘qituvchisi yuqorida keltirilgan loyihani fanning amaliy, laboratoriya darslari uchun ham tayyorlashi va amalga oshirishi mumkin. Bunday loyihalar dars sifati va samaradorligiga hissa qo‘shadi. Auditoriyadagi ma’ruza, amaliy, laboratoriya, seminar darslarining ajralmas qismi, ularni to‘ldirib boruvchi bu mustaqil ishlarni bajarishdir.