4-лаборатория иши: Windows операцион тизимини бошқарувчи воситалар билан ишлаш

1-машғулoт: Windows ОТ нинг «Калькулятор» дастури билан ишлаш
Бу машғулотни бажариш учун қуйидаги топшириқларни бажариш талаб этилади:

1. 
   «Калькулятор» дастурининг ойнаси, унинг тузилиши, менюлари билан танишинг ҳамда уларнинг ҳар бирининг вазифаларини аниқланг;
   
2. 
   «Калькулятор»ни оддий (арифметик) ишлаш ҳолатига ўтказинг ва шу ҳолатдаги унинг ойнасининг тузилишини, элементларини тугмачаларини ҳамда уларнинг вазифаларини аниқланг;
   
3. 
   «Калькулятор» ёрдамида ўқитувчи томонидан берилган арифметик ифоданинг қийматини ҳисобланг;
   
4. 
   «Калькулятор»ни муҳандислик иш ҳолатига ўтказинг ва унинг ойнасининг тузилишини, элементларини, тугмачаларини ҳамда уларнинг вазифаларини аниқланг;
   
5. 
   «Калькулятор» ёрдамида ўқитувчи томонидан берилган статистик маълумотларнинг ўрта қийматини, ўрта квадратик қийматини ва йиғиндисини ҳисобланг;
   
6. 
   «Калькулятор» ёрдамида иккилик, саккизлик, ўнлик ва ўн олтилик саноқ системаси сонлари устида арифметик амалларни бажаринг.
   

2-машғулoт: Windows ОТ нинг «Блокнот» дастури билан ишлаш
Бу машғулотни бажариш учун қуйидаги топшириқларни бажариш талаб этилади:

1. 
   «Блокнот» воситасини ишга туширинг ва унинг ойнаси билан танишинг. Шу ойна элементларининг вазифаларини аниқланг;
   
2. 
   «Блокнот» воситаси ёрдамида ўзингиз тўғрисида қисқача маълумотлар берувчи матнли файлни ташкил қилинг;
   
3. 
   «Иш столи» даги матнли файлни «Блокнот» воситаси ёрдамида ишга туширинг;
   
4. 
   «Блокнот» воситасини кундалик сифатида ишлатиш ҳолатига ўтказинг ва бу кундаликда кейинги ҳафтада бажаришингиз керак бўлган ишларингизнинг режасини ташкил қилинг.
   

3-машғулoт: Windows ОТ нинг «Word Pad» дастури билан ишлаш
Бу машғулотни бажариш учун қуйидаги топшириқларни бажариш талаб этилади:

1. 
   «Word Pad» воситасини ишга туширинг ва унинг ойнаси билан танишинг. Шу ойна элементларининг (менюлари, ускунавий воситалари) вазифаларини аниқланг;
   
2. 
   «Word Pad» воситаси ёрдамида ўқитувчингиз таклиф қилган мавзу бўйича қисқача маълумотлар берувчи матнли файл яратинг;
   
3. 
   Ташкил қилган файлингизни «Word Pad» воситаси менюлари ва ускунавий воситалари ёрдамида таҳрир қилинг;
   
4. 
   «Вставка» менюси орқали танлаган мавзунгизга мос келувчи суратни танлаб, уни файлингизнинг керакли жойига жойлаштиринг;
   
5. 
   График муҳаррирларнинг бири ёрдамида ўзингиз танлаган мавзунгизга мас келувчи сурат чизинг ва уни файлингизнинг керакли жойига жойлаштиринг;
   
6. 
   Ташкил қилган файлингизнинг титул варағини ташкил қилиб, сўнгра уни реферат кўринишига келтиринг.