4-жадвал. Оҳангарон ҳавзасининг археологик ёдгорликлари

Мингтепа Чиғириқ темирйўл станциясидан 1 км. жанубда жойлашган⁴. 1962 йилда ЧҚАО томонидан қайд этилган. Бу ерда кўп сонли қўрғонлар бўлиб, улар созтупроқдан қилинган. Баландлиги 1,5 м.гача, диаметри 15 м.гача етади. Қўрғонлар шимолда Чиғириқ темирйўл станциясидан жанубдаги Бургулик жаригача бўлган майдонни эгаллайди. Санаси аниқланмаган.
3.4. Қабр қўрғонлари 1 Иккита номсиз тепаликлар 9-10 ёдгорликлари ёнида жойлашган⁵. 1929 йилда А.А.Потапов томонидан қайд этилган⁶. Унинг тавсифи, ўлчами ва санаси берилмаган.
3.5. Қабр қўрғонлари 2 Нурафшон (Тўйтепа)дан 5 км. жануби-шарқда жойлашган⁷. 1934 йилда М.Е.Массон томонидан қайд этилган⁸. Улар кўп сонли қўрғонлар бўлиб, улар созтупроқдан қилинган. Уларнинг ўлчами, санаси номаълум. Бу каби 2-3 тадан бўлган қабр қўрғонлар гуруҳи Нурафшон (Тўйтепа) - Оҳангарон йўли ёқасида ҳам учрайди.
3.6. Қабр қўрғонлари 3 Култепадан ғарбда, Пискентнинг созтупроқли адирликларида жойлашган⁹. 1966 йилда ЧҚАО томонидан қайд этилган. Ёдгорлик созтупроқдан қилинган ва баландлиги 1-1,4 м. бўлган қабр қўрғонларидан иборат бўлган.
3.7. Пискентдаги қабристон Оҳангароннинг чап қирғоғи, Пискентдан 2-3 км. жануб ва жануби-шарқ томондаги адирликларда жойлашган¹⁰. 1929-1930 йилларда А. А. Потапов, 1934 йилда М.Е.Массон томонидан текширилган. Қабристон жанубдан шимолга 1,5 км., ғарбдан шарққа 2 км. масофада чўзилган. Турли катталикдаги созтупроқдан қилинган бу қабр қўрғонлар V-VIII ва XIII-XIV асрларига оидлиги аниқланган.
3.8. Бўрзиёнота мозори Пискент Оқтепасидан 4 км. шарқда жойлашган¹¹. 1934 йилда М.Е.Массон томонидан қайд этилган¹². У битта залдан иборат, тўртбурчак шаклдаги гумбазли бино бўлиб, ХХ асрнинг бошларида батамом қайта қурилган.
3.9. Науслар Пискент Оқтепасидан жануб ва жануби-шарқда то Тошкент каналигача бўлган ерларда жойлашган¹³. 1963 йилда Ю.Ф.Буряков, С.X.Эшонхонов, К.А.Шахуринлар томонидан текширилган¹⁴. Бу ерда баландлиги 2-2,5 м.гача бўлган 100 дан ортиқ тепачалар сақланган. Пахсадан бир хонали қилиниб, қабр ёки остодонга мўлжалланган қўрғонларнинг санаси биринчи минг йиллик 1-ярми охири - 2 ярми бошига тўғри келади.
3.10.