4-amaliy mashg‘ulot. Mavzu: ta’minotchini tanlash masalasi

Sanab o‘tilgan vazifalarni hal qilish uchun quyidagi qoidalarga amal qilish kerak:

1. 
   Taqsimot logistikasi natijasida iste’molchilar talabi qondirilishi va korxona bundan foyda ko‘rishi kerak. Bunda taqsimot logistikasi iste’molchini mahsulot xarid qilishga majbur qila olmaydi. Demak, natijalar va resurslar taqsimot logistikasidan tashqarida amal qiladi.
   
2. 
   Mahsulotlarning bozorga kirib borish harakatida korxonaning bozor imkoniyatlarini baholay bilish, hamda uning yutuqlaridan maksimal foydalanish kerak.
   
3. 
   Taqsimot logistikasi natijasiga erishish uchun sotish siyosati yo‘nalishini aniq belgilab olish lozim.
   
4. 
   Bozor qonunlari va iste’molchilar ehtiyojini hisobga olib bozorda haqiqiy etakchilikka erishish orqali taqsimot logistikasida yaxshi natijalarni qo‘lga kiritish mumkin.
   
5. 
   Umumiy logistik tizimdan ajralgan holda amal qiluvchi taqsimot logistikasi faqat salbiy natijaga olib keladi.
   

Mahsulotni ishlab chiqaruvchidan iste’molchiga etkazish jarayonida bir necha protseduralar amalga oshiriladi:

1. 
   Bozorni marketing nuqtai-nazaridan tadqiq etish.
   
2. 
   Sotishni rag‘batlantirish bo‘yicha reklama va axborot faoliyatini yuritish.
   
3. 
   Salohiyatli xaridorlarni aniqlash.
   
4. 
   Salohiyatli xaridorlar bilan muzokaralar yuritish va zaruriy hujjatlarni rasmiylashtirish.
   
5. 
   Tovar oqimlarini harakatga keltirish, jumladan tashish va omborxonalarda saqlash ishlarini amalga oshirish.
   
6. 
   Mahsulot harakatini mumkin bo‘lgan moliyaviy risklarni inobatga olgan holda moliyalash.
   

Taqsimot kanali deganda ishlab chiqaruvchidan iste’molchigacha bo‘lgan yo‘lda mahsulotni bir-biriga uzatuvchi tashkilotlar yoki alohida shaxslar qatori tushuniladi. Bunda mahsulot faqatgina qo‘ldan-qo‘lga o‘tib qolmay, balki unga egalik huquqi ham o‘tadi. Demak, mahsulotning o‘ziga xos oldi-sottisi bir necha marotaba qaytariladi, faqat so‘nggi ishtirokchigina uni iste’mol uchun sotib oladi, qolgan vositachilar uni sotish uchun xarid qilishadi. Quyida taqsimot kanalining namunaviy ko‘rinishi keltirlmoqda