4-5 ёшли болаларни табиат билан таништириш машгулот ишланмаси жадвали

Октябр ойининг 4 – ҳафтаси
Мавзу: Жонли табиат билантаништириш
Мақсад: Болаларни табиат ҳақидаги фикрларини бойитиш.Жонли табиат билан таништириш. Табиатни асраб авайлашга ўргатиш.Жонли ва жонсиз табиатни фарқлашга ўргатиш.
Луғат иши : Жонли табиат , жонсиз табиат, ўт ўлан.
Керакли жиҳозлар:АКТ,табиат манзаралари тасвирланган сурат,тош, қум,қафасдаги қушча , ҳайвонлар, дарахтлар , гуллар сурати.
Кутилаётган натижа: Болалар жонли ва жонсиз табиат ҳақидаги тушунчага эга бўладилар.
Машғулотнинг бориши: Тарбиячи болалар диққатини экранга жалб қилади.
Тарбиячи:Болалар нималарни кўрдингиз?
Болалар: Табиат манзараларини.
Тарбиячи:Табиат деганда нимани тушунасиз?
Болалар: Бизни ўраб турган атроф муҳит, борлиқ бу табиат.
Тарбиячи: Табиат 2 хил турга бўлинади: жонли ва жонсиз табиат.
Болажонлар сиз жонли табиат деганда нимани тушунасиз?
Болалар: Дарахт гуллар майса .
Тарбиячи: Болалар жонли табиат деганда биз, қушлар, гуллар, ўсимликлар,ҳайвонлар, инсонларни тушунамиз. Жонли табиатда улар ривожланади, ўсади, нафас олади, нафас чиқаради.
Таълимий ўйин: “Ниманинг жойи ўзгарди?” (Дарахт расми , унинг устига китоб, мактаб ичида бирорта ҳайвон, қафасни ичида мева) Ўйин ўйналади.
Тарбиячи: Дарахт расми, мактаб расми, қафас расми орқали болалар марказларга жойлаштирилади.
Тил ва нутқ маркази: “Она табиат ” шеърини ёд олдириш.
Қиш дер:- Қумуш қорим бор
Қорбобо ясанг.
Гулим гўзал дер баҳор
Гулдаста ясанг.
Ёз дер: сувим беғубор
Суз балиқ мисол
Куз дер: мевам болим бор
Бари сенга ол
Демак она табиат
Бизни дер ҳар вақт.
Қуриш ясаш: Леголардан жонли табиатни (гуллар, дарахтлар) ҳосил қилиш.
Илм фан ва табиат: Аквариумдаги балиқни сузишини кузатадилар. Аквариумдаги балиқ билан ўйинчоқ балиқни солиштирадилар. Жонсиз табиатнинг ичида жонли табиатнинг яшашини болаларга тушунтириб берилади. Тирик хонагули билан сунъий гулни фарқлашни ўрганадилар.
Санъат маркази: Жонли табиатни тасвирланган расмларни бўёқлар ёрдамида ҳосил қиламиз.
Болалар бажарган ишлари таҳлил қилиниб машғулот якунланади.