3d ruchka – har XIL uch о‘lchamli shakllar chizish uchun ishlatiladigan

3D RUCHKA
Sovuq 3D ruchkaning afzalliklariga issiq elementlarning yо‘qligi, simlarsiz batareya yordamida ishlashi, turli xil xususiyatlarga ega kо‘p sonli polimerlardan foydalanish imkoniyati mavjudligi, shovqinsiz ishlashi kabilar kirsa, kamchiliklariga ruchka va uning materialining tan narxini yuqoriligi kiradi.
Issiq va sovuq 3D ruchkalar orqali Siz ajoyib ijodkorlik namunalarini yaratish imkoniyatiga ega bо‘lasiz. Masalan, zargarlik buyumlari, me’moriy modellar, turli xil muhandislik loyihalari uchun qismlar, haqiqiy obekt maketlari, uy-rо‘zg‘or buyumlari va ularning buzilgan qismlarini tuzatish, turli aksessuarlar, buyum va о‘yinchoqlar ustiga gul shakllari va boshqalar.
Xavfsizlik texnikasi qoidalari
1. 3D tipidagi ruchkalardan foydalanishdan oldin berilgan kо‘rsatmalarni о‘rganib chiqish va unga amal qilish.
2. 3D tipidagi ruchkalardan о‘qituvchi ruxsati bilan uning nazorati ostida foydalanish.
3. Issiq 3D ruchka issiqlik elementlariga ega bо‘lganligi sababli, ular bilan ishlaganda niqob taqish va tez-tez xonani shamollatib turish lozim.
4. Sovuq 3D ruchkadan foydalanganda kо‘zlarni ultrabinafsha nurlanishidan himoya qiluvchi maxsus kо‘zoynak taqish shart.
Amaliy mashg‘ulot
3D ruchkadan foydalanib, turli geometrik shakllar yasash.
Jihozlar: issiq 3D ruchka, ABS plastik yoki PLA plastik, chizg‘ich,qalam, geometrik shakl namunalari.
Ishni bajarish tartibi
1. Turli geometrik shakllardan birini ixtiyoriy tanlab oling. Masalan,
konus yoki kub shakllaridan birini.
2. Tanlagan geometrik shakl tuzilishining murakkab tomonlarini о‘rganib chiqing.
3. Tanlagan geometrik shaklni taxminiy о‘lchamlarini belgilab, tо‘liq holdagi variantini oq qog‘ozga chizing. Agar shakl murakkab bо‘lsa, uning о‘xshash tomonlaridan bittasini chizib oling.
4. Issiq 3D ruchkadan foydalanib, tanlangan geometrik shakl tomonlarini yasang.Yasalgan tomonlarni о‘zaro birlashtirib chiqing.
5. Geometrik shakl atroflarini ruchka yordamida tо‘ldiring.
6. Xavfsizlik texnikasi qoidalariga amal qilgan holda ishlarni bajaring
TOPSHIRIQLAR
Turli geometrik shakl namunalari
Keyingi darsda ko‘rishguncha…