№30 Көктөбе орта мектебі Тақырыбы

1-топ: «Қояндар»

Біз қоянбыз, қоянбыз,

Күндіз-түні ояумыз.

Қаша, қаша қасқырдан,

Құлауға да таяумыз.

 

2-топ: «Арыстандар»

Біз мықты Арыстан,

Аңдардың патшасы.

Жауыммен алыссам,

Күл болар қаңқасы.

Іздену – ұйымдастырушы

- Сендер орманға барғыларың келе ме? - Олай болса мен сендерге жұмбақ жасырайын.         Жұмбақтар жасыру   Орманнан жалпақ даладан, Бал іздеп бір аң жортады. Кіп-кішкене арадан, Үп-үлкен болып қорқады.

2. Өзінше ноян, Қорқақ не?   3. Көп-көп ине, көп ине, Бір сабағы жоқ ине, Іс тікпейтін әрине.

4. Өзі бір қу, Жүрген жері айғай да шу.   5. Секең-секең етеді, Орман – оның мекені. Отырғанда шоқиып, Құманға ұқсап кетеді.

Суреттен нелерді көрдік? - Оларды бір сөзбен қалай атаймыз? Олай болса бүгінгі біздің оқу іс-әрекетіміздің тақырыбы: «Жабайы аңдар»

Түлкі, аю, қоян, тиін, кірпі. «Жабайы аңдар».

Тәрбиеші: Балаларға кіріспе әңгімеден бастаймын - Балалар, біз қандай үй жануарларын білеміз? - Неге оларды біз үй жануарлары дейміз?

Сиыр, жылқы, қой, ешкі.

Балалар, үй жануарларымен бірге орманда, тауда далада мекен ететін жануарлар да бар. Оларды біз жабайы аңдар дейміз.

Олар: аю, түлкі, арыстан, жолбарыс, піл, бұғы, кірпі, тиін.

- Жыртқыш аңға қандай аңдар жатады? Олар жабайы аң болса да, өз балаларын өте қатты жақсы көреді, қорғап жүреді, тамақ тауып береді. Олар қыста тоңбайды, өйткені олардың жылы тоны бар

Қасқыр, аю, арыстан, жолбарыс.

Қыста орман суық болады. Жануарлар азық таба алмай қиналады. Сондықтан көптеген аңдар қыста ұйқыға кетеді. Жыртқыш аңдар қасқыр, аю, арыстан, жолбарыс әлі жететін аңдармен қоректенеді. Түлкі қар астындағы тышқандармен қоректенеді

Олар: аю, борсық, кірпі.

- Тиін немен қоректенеді?

Тиін өзі жианаған саңырауқұлақ, жаңғақтар-мен қоректенеді.

Сирек кездесетін аңдарды сақтап қалу үшін оларды арнайы ұйымдастырылған орындарда қорғайды. Олар қорық деп аталады.

- Аңдарды атуға бола ма? - Аңдардың балалары бар ма? Олай болса, сендермен «Анасын тап» атты ойын ойнайық.

Аңдарды атуға болмайды. Бар

Мынау аналары, ал балалары ауысып кетіпті

Сызба бойынша аналарын атап, тауып береді.

Тәрбиеші: - Балалар, сендер аңдар туралы тақпақ білесіңдер ме? Олай болса, аңдардың сайысын тамашалайық.   Автор сөзі: Кәрі еменнің түбінде, Кәрі аюдың інінде. Бас қосыпты көп аңдар Айтысыпты қараңдар.

Балалар басына атрибуттарын киеді.

Мен мықты Арыстан, Аңдардың патшасы. Жауыммен алыссам, Күл болар қаңқасы.

Бір көргенді білгін, Мен алып пілмін. Аспаймын, саспаймын, Жамандыққа баспаймын.

Мен қасқырмын, қасқырмын, Аң ішінде асқармын. Талай қойды бауыздап, Үйге әкеліп асқанмын.

Менің атым аю, Оңай маған баю. Мал ішінде жүремін, Балды исінен білемін.

Мен кірпімін, кірпімін, Көрінгенге түрпімін. Үстім толы ине, Есің болса тиме.

Мен ақтиінмін, Кисең киіммін. Аңды көрсем бекінем, Талдан – талға секірем.

Мен жыртқыш жолбарыс, Тұрағым ну қамыс. Күн демей, түн демей, Жорытамын жолды алыс.

Мен тиінмін, тиінмін, Қысқа жылы киіндім. Қоймам толы жаңғаққа, Іші толы үйімнің.

Мен қоянмын, қоянмын, Жорыққа түнде жортамын. Қалдырмаймын ізімді, Өйткені күндіз қорқамын.

Мен түлкімін, түлкімін, Біреулерге күлкімін. Кейбіреуді алдаймын, Кейбіреуді арбаймын.

Тәрбиеші: - Жарайсыңдар, балалар! - Сендер өте әдемі тақпақ жаттап келіпсіңдер.   Сергіту сәті: Көжектерім тұршы, Беттеріңді жушы. Ну орманға барайық, Тамақтанып алайық.

Іс-қимыл арқылы сергіту сәтін орындайды

- Ал, балалар, біздің шаршағанымыз басылып, бойымыз сергіп қалды. - Балалар, енді бәріміз ойын ойнаймыз.     Дидактикалық ойын: «Кім жылдам» Ойын шарты: екі топқа аң суреттері беріледі. Суретті уақытқа құрастырып сипаттайды.

Жылдам құрастырған топ жеңіске жетеді.

СТО әдісі: «Топтастыру» - Балалар, біз бүгін қандай аңдар туралы білдік? Тәрбиеші: Топтың қорытынды-сын хабарлайды.

Балалардың жауабы тыңдалады.

• Жабайы аңдар

Рефлексивті түзету

- Балалар аңдар қайда мекендейді екен? - Жыртқыш аңдарға қай аңдар жатады? - Олар немен қоректенеді? - Олар қыста жаурайды ма? - Ормандағы аңдарға біреу тамақ апарып бере ме? - Қыс бойы ұйықтайтын аңдарды ата? - Қорқақ аңды ата? - Ағаш діңінде қандай аң тұрады?

орманда қасқыр, түлкі, жолбарыс, арыстан, аю өздерінің шамасы келетін аңдармен. жоқ, олардың терілері қалың болады. жоқ олар өздері қорек іздейді.   аю, борсық, кірпі. қоян. тиін.

• Күтілетін нәтижелер

Не білді?	Не алды?	Не істей алады?
Жабайы аңдардың орманда мекендейтінін, немен қоректенетінін және балаларын қалай атайтынын білді.	Орман және жабайы аңдар туралы мағлұмат алды.	Ойындарды дұрыс орындай алады.