3. Signalizasiya tizimini "Arduino Uno" mikrokontrolleri yordamida boshqarish

Tajriba mashg’ulot-2
“Aqlli issiqxona” texnologik parametrlarini mikrokontroller yordamida boshqarish
Mashg’ulotning maqsadi: Talabalar gigrometr namlik datchigi "LM393", Havo harorati va namligi datchigi DHT11, Rele PIC AVR DSP ARM, ijrochi mexanizm (Kichik o’lchamli suvni uzatuvchi nasos, kichik ventilyator), Arduino Uno bilan birgalikda breadboardda fritzing dasturida ulash sxemasini yig’ib ishga tushirish. Ta`sir etuvchi omillarni aniqlash hamda tajriba qurilmasining dasturini yaratish.


Qisqa nazariy ma`lumotlar
Gigrometr namlik datchigi "LM393"
Issiqxonadagi tuproqning namligini o’lchashda birlamchi element sifatida gigrometr namlik datchigi "LM393" qo`llaniladi. Bu datchik Arduino qurilmalari bilan ishlashga to`liq moslashtirilgan. Datchik analog rejimida ishlaydi. Tuproq qancha quruq bo`lsa, shuncha qarshilik katta bo`lib, tok kichik bo`ladi. Tuproq namlanganda qarshilik kamayadi va kuchlanish qiymati oshadi. Kuchlanish qiymatiga qarab tuproq namligini aniqlashning uchta darajasi mavjud:

1. 
   0 dan 1,46 Vgacha – tuproq quruq (quyida ko`rsatilgan Arduino kodini ishlatganda qurilma ko`rsatgichi 0-300 ni ko`rsatadi);
   
2. 
   1,47 dan 3,42 Vgacha – tuproq nam (300-700);
   
3. 
   3,43 dan 4,20 Vgacha – tuproqda suv miqdori ko`p (700-950). Misol uchun stakandagi suvda datchik 775 ko`rsatgichini ko`rsatadi.
   

-rasm.Namlik o’lchov asbobi

-rasm. Namlikni o’lchash asbobining elektr sxemasi.

Sensor 35 mA tok iste’mol qiladi. Kuchlanish 3,3-5 V. 5 V quvvatlanganda qaytadigan signal 0-4,2V. Bu qiymatlarni 10 bitli oraliqqa ajratsak quyidagi natija hosil bo’ladi.

Datchik boshqaruv elktron kontrollerga 3 ta sim orqali ulanadi. O’lchov asbobining platasining o’lchami 3 sm x 1,5 sm. Zondning o’lchami 6 sm x 3 sm dan iborat.