3-nazorat savollariga javoblar 1

---

                                          3-nazorat savollariga javoblar 

1. Davlat jamiyatning oliy siyosiy instituti bo`lib, shu jamiyatda yashayotgan mamlakat fuqarolari 

manfaatini himoya qilish uchun o`rnatiladi. Davlat mamlakat chegaralarini himoya qiladi, boshqa 

mamlakatlar bilan aloqada bo`ladi, qonunchilik bilan shug`ullanadi. Davlat tushunchasi har bir zamonda 

muhim o`rinda bo`lib kelgan. Dastlabki Davlatlar sug`oriladigan dehqonchilik hududlari – Misr, 

Mesopatamiya, Elam, Hindiston va Xitoyda bundan 3.5-5 ming yillar muqaddam vujudga kelgan. 

Davlatning tashkil topish jarayonida piramida shaklida bunyod etilgan jamiyat vujudga keldi: eng 

yuqorida yagona hukmdor (podshoh, fir`avn, xon va x.), quyirog`ida – uning yaqin safdoshlari, 

maslahatchilari (vazirlar, amirlar) turardi. Ulardan keyin quyi martabali amaldorlar, piramidaning asosini 

esa qishloq jamoalari tashkil etardi. Demak bundan xulosa qilish mumkinki, davlatning asosini xalq 

tashkil etadi. Va manashu xalqning birlashib, bir jamiyatni tashkil etilishi, bir xil qonun-qoidalarga 

bo`ysunishi davlatni tashkil etadi.   

2. Tadqiqotchiarning fikriga qaraganda, sun`iy sugorishga asoslangan dehqonchilik O`rta Osiyo 

xo`jaligining asosi hisoblanib, bu jarayon janubiy Turkmaniston, Tojikiston va O`zbekistonning janubida 

bronza davrida, Toshkent vohasi, Farg`ona vodiysi hududlarida esa ilk temir davrida shakllanib rivojlandi.  

O`rta Osiyoda ilk davlat uyushmalari sun`iy sug`orish birmuncha qulay bo`lgan Amudaryo oqimlari 

bo`ylarida, Murg`ob vohasida, Zarafshon va Qashqadaryo vohalarida shakllanib rivojlanadi. Bunday 

holatni dunyo tarixidagi dastlabki davlatlar – Misr (Nil) va Mesopatamiya (Dajla va Frot) misolida ham 

kuzatish mumkin. 

Jamiyat hayotida metallning keng yoyilishi ham dastlabki davlatchilikning asosiy omillaridan biri 

hisoblanadi. Hozirgi kunga kelib, O`rta Osiyoning juda ko`plab bronza va ilk temir davriga oid 

yodgorliklaridan ishlab chiqaruvchi xo`jalik bilan bevosita bog`liq bo`lgan metal qurollar topib 

o`rganilgan. Mehnat qurollarining metaldan ishlanishi mehnat unumdorligining yanada oshishiga keng 

imkoniyatlar  yaratdi. 

So`nggi bronza davriga kelib, kulolchilik charxining keng ishlatila boshlanishi natijasida turli shakldagi 

yuqori sifatli spool idishlar bilan ishlab chiqarila boshlanadi. Kulochilikning rivojlanishi natijasida 

Sopollitepa, Oltintepa, Gonur, Jarqo`ton, Afrosiyob kabilarda kulolchilik mahallalari paydo bo`ladi. 

Shuningdek, hunarmandchilikning toshga, metallga, yog`ochga, suyakka ishlov berish turlari ham keng 

tarqaldi.  Hunarmandchilikning keng ixtisoslashuvi, alohida xo`jalik tarmog`I sifatida shakllanib 

rivojlanishi jamiyatdagi iqtisodiy taraqqiyot uchun muhim ahamiyatga ega bo`lib, davlatchilik paydo 

bo`lishi uchun muhim bo`lgan qo`shimcha mahsulot ko`payishiga turtki bo`ldi. Ilk davlatlarning paydo 

bo`lishida o`zaro ayirboshlash, savdo-sotiq va madaniy aloqalarning ham ahamiyati nihoyatda kata 

bo`lgan. Mesopatamiya, Misr, Hindiston, Eron, O`rta Osiyo yodgorliklaridagi so`nggi bronza va ilk temir 

davri topilmalaridagi juda ko`pgina o`xshashliklar, bu hududlar o`rtasidagi o`zaro iqtisodiy va madaniy 

aloqalardan dalolat beradiki, bu jarayon ham ilk davlatchilikning asosiy omillaridan biri hisoblanadi.